جمهورلیک ریاست بیرینچی اورین باسری امرالله صالح نینگ ایتیشیچه، اوتگن کون آتیلگن راکتلر عاقبتیده، ۱۰ کیشی هلاک و باشقه ۵۱ کیشی یره‌لنگن.
ایچکی ایشلر وزیرلیگی اوتگن کون آتیلگن راکتلر نتیجه‌سیده، ۸ کیشی هلاک و ۳۱ کیشی یره‌لنگنی نی بیلدیرگن ایدی.
بوگون (یکشنبه ۲- قوس) جمهورلیک ریاستی نینگ بیرینچی اورین باسری، اوتگن کون کابل شهری اوستیگه آتیلگن راکتلرگه اشاره قیلیب و اونینگ «ناکام‌لیک» دیگن.
شونینگدیک اونینگ کوپه‌یتیریشیچه، امنیتی کوچلر اعضاسی بولگن اوچ ایناغه، کابل شهری نینگ ۱۲- خوفسیزلیک حوزه‌سیده یاپیشقاق ماین پارتله‌شی باعث هلاک بولگن. کابل پولیسی بو پارتلش قربانی‌سینی بیر کیشی اعلام قیلگن ایدی.
صالح گه کوره، راکتلر آتیلگن منطقه‌لرنی تیکشیریش اوچون جدی ایشلر باشلنگن.
جمهورلیک ریاست بیرینچی اورین باسری نینگ ایتیشیچه، کابل شهری اوستیگه آتیلگن راکتلرگه قوللنگن ماده‌لر شمالی قیشلاققه تاپیله‌دی و اونینگ انتقال بیرگن ترماق نینگ تانیلیشی ممکن.
ایچکی ایشلر وزیرلیگی نینگ معلوماتی اساسیده، اوتگن کون ۲۴ راکت کابل شهری نینگ ایریم منطقه‌لریده اصابت قیلدی. ایچکی ایشلر وزیرلیگی نینگ ایتیشیچه، مذکور راکتلر تهیه‌مسکن منطقه‌سیدن آتیلگن.
اوشبو حادثه مسئولیتی نی حاضرگچه بیرار گروه یا-ده شخص بوینیگه آلمه‌گن. شونینگدیک طالبان گروهی بو حادثه ده قوللری بارلیگی نی رد قیلگن.
اروپا بیرلیگی، ناتو تشکیلاتی و افغانستان بوییچه آمریکا ایلچی‌خانه‌سی کابل شهریده اویوشتیریلگن راکتی هجوم نی قاره‌لگن.
کابل بوییچه آمریکا ایلچی‌لیگی سرپرستی راس ویلسن بیر توییت آرقه‌لی ایتیشیچه، افغانستان یشاوچی‌لرینی قورقینچ بیلن حیات کیچیرمه‌یش‌لری کیره‌ک. اونینگ تاکید قیلیشیچه، بونده‌ی هجوم‌لرگه توسیق بولیش اوچون افغانستان‌لیک یاردمچی‌لری بیلن سعی و حرکت قیله‌دیلر.
کابل بوییچه اروپا بیرلیگی نینگ نماینده‌لیگی هم کابل شهریده اویوشتیریلگن هجوم نی «وحشت‌لی» عنوان قیلیب و اوشبو هجوم ده تینچ اهالی هدف آستیگه قرار بیریلگن دیگن.
شونینگدیک، ناتو تشکیلاتی هم بیر توییت آرقه‌لی کابل شهریده اویوشتیریلگن راکتی هجوم نی قاره‌لب و اوشبو تشکیلات دهشت تشلاوچی‌لرگه قرشی افغانستان اهالیسی یانیده قالیشی‌نی بیلدیرگن.
کابل شهریده اویوشتیریلگن راکتی هجوم دن کیین، آمریکا ایلچی‌خانه‌سی افغانستان وضعیتی‌نی «ثبات‌سیز» دیدی.
آمریکا ایلچی‌خانه‌سی اوشبو مملکت یشاوچی‌لریدن افغانستان‌گه سفر قیلمه‌یش‌لرینی سوره‌گن.
