بوگون (یکشنبه، ۲۳-میزان) کانلر و پترولیم مسئوللری بیر برنامه یولگه قوییش بیلن، هرات نینگ زنده‌جان تومنی سمنت ایشلب چیقرووچی فابریکه قراردادی نی، ۳۰ ییل گه قدر ۱۴۲ میلیون دالر ارزشی گه ایچکی بیر شرکت بیلن امضا قیلگنلر.
کانلر و پترولیم وزیرلیگی سرپرستی شهاب‌الدین دلاور نینگ ایتیشیچه، اوشبو پروژه عملگه آشیریلیشی بیلن ۵ مینگ کیشی گه ایش زمینه‌سی یره‌تیلیشی ممکن.
بیزلرنینگ «ایکس» ترماغی ده هم تعقیب قیلینگ!
جناب دلاور نینگ کوپه‌یتیریشیچه: «بوگون مملکت و اهالی‌میز نینگ خودکفا بولیشی اوچون فایده‌لی آدیم‌لر نی آلگن‌میز، بو اوچینچی پروژّ و سمنت ایشلب چیقرووچی فابریکه دیر، بو قرارداد نینگ امضالنیشی بیلن افغانستان نینگ مکمل سمنت خصوصیده‌گی احتیاجلری یکونلنه‌دی و اوچ فابریکه‌دن کونده ۱۰۰۰ تُن سمنت احتیاجی‌میزدن کوپه‌یه‌دی و باشقه مملکت‌لر گه صادر قیلیشیمیز ممکن. عین حالده، یوزلب میلیون دالر سمنت نینگ تشقی‌دن کیلتیریلیشی اوچون یوباریله‌‌دی که برچه سمنت مدنی ماده‌میز افغانستان ده بار.»
جناب دلاور نینگ اورغولشیچه، مذکور سمنت ایشلب چیقرووچی پروژه، یقین‌ده قرارداد اوچون تاپشیریلگن قندهار و جبل‌السراج ده‌گی باشقه ایکی پروژه بیلن، توپلم شکلده ۴۶۲ میلیون دالر سرمایه یاتقیزیلگن.
شونده‌ی بیرحالده، گلبهار گروپ اجرایی اورین‌باسری غلام ربانی نینگ ایتیشیچه، ایش فرصت‌لری نینگ ایجاد بولیشی و افغانستان اقتصادی نینگ ترقیاتی اوچون مذکور پروژه نی قولگه آلگن دیر. «دنیا ستندردلری اساسیده سمنت ایشلب چیقریش اوچون سعی و حرکت قیله‌میز، بو افغانستان اقتصادی و ایش زمینه‌سی نی یره‌تیش اوچون فایده‌لی دیر. اوشبو ایشخانه هر ییل‌ده بیر میلیون تُن سمنت ایشلب چیقریشی و زمان اوتیشی بیلن کوپه‌یشی ممکن.»
باشقه بیر تامان‌دن، کانلر و پترولیم وزیرلیگی سوزلاوچیسی همایون افغان نینگ ایتیشیچه، هر تُن سمنت‌دن ۳۵ افغانی دولت نینگ سهمی بولیشی ممکن.
بیزلرنینگ فیسبوک صحیفه‌میزگه باش اورینگ!
همایون افغان نینگ کوپه‌یتیریشیچه: «مذکور پروژه‌دن دولت نینگ سهمی، هر تُن‌دن ۳۵ افغانی آله‌دی، خام ماده‌لر نی ساته‌میز، قیغو بیلن سمنت خصوصیده هیچ قنده‌ی صادراتی‌میز یوق ایدی، بلکه نیازی‌میز بولگن ۹۰ فایز سمنت نی وارد قیله‌میز.»
ایتیش کیره‌‌ک که، اوچ کون آلدین جبل‌السراج سمنت ایشلب چیقرووچی پروژه‌سی قطری بیر شرکت و ایکی ایچکی شرکت بیلن ۲۲۰ میلیون دالر ارزشی گه امضالنگن ایدی.
