لوگر معلوماتی تکنالوژی و مخابراتی ریاست رئیسی مطیع‌الله عابد نینگ سلام‌وطندار گه ایتیشیچه، افغان بیسیم و روشن مخابراتی ترماق‌لری بیرینچی مرته اوشبو ولایت نینگ خروار تومنی‌ده مخابراتی و انترنیتی فعالیت‌لری نی باشله‌گنلر.
اونینگ کوپه‌یتیریشیچه، سابق توزوم‌ده اوشبو ولایت‌ده هیچ بیر مخابراتی ترماق نینگ فعالیتی یوق ایکن که، مذکور موضوع اهالی نی کوپینچه قیین‌چیلیک بیلن روپه‌ره قیلگن ایکن.
بیزلرنینگ فیسبوک صحیفه‌میزگه باش اورینگ!
اونگه کوره: «بیرینچی مرته دیر که اوشبو ولایت نینگ خروار تومنی‌ده افغان بیسیم و روشن ترماقلر نینگ انترنیتی و مخابراتی فعالیت‌لری باشلندی. سابق توزوم‌ده مذکور تومنده هیچ بیر مخابراتی شرکت فعال ایمس ایدی و اهالی دوست و اقارب‌لری بیلن صحبت قیلیش اوچون ۴ الی ۵ کیلومتر گه سفر قیله‌ر ایدیلر.»
لوگر نینگ خروار تومنی یشاوچیلریدن نقیب‌الله نینگ سلام‌وطندار گه ایتیشیچه، بیرینچی مرته اوز تومنی‌ده مخابراتی خذمت‌لردن قوللنیش گه موفق بولگن دیر.
اونینگ کوپه‌یتیریشیچه، بوندن آلدین مذکور تومن یشاوچیلری مخابراتی خذمت‌لر خصوصیده کوپینچه قیین‌چیلیک بیلن روپه‌ره ایدیلر و اوشبو تومن یشاوچیلری مملکت ایچی و مملکت‌دن تشقی‌‌سیده‌گی اقارب و دوست‌لری بیلن تماس آلال‌مس ایدیلر.
نقیب‌الله گه کوره: «خروار تومنی‌ده مخابراتی ترماقلر نینگ فعالیت گه باشلگنی یخشی بیر ایش بولدی. بوندن آلدین منطقه‌میز ده هیچ بیر مخابراتی ترماق فعال ایمس ایدی و اهالی کوپینچه قیین‌چیلیک بیلن روپه‌ره ایدی. حاضر ایسه اوشبو قیین‌چیلیک کامل شکلده حل بولگن دیر.»
خروار تومنی یشاوچیلریدن باشقه بیری عبدالله نینگ سلام‌وطندار گه ایتیشیچه، بوندن آلدین اوشبو تومن یشاوچیلری دوست و اقارب‌لری بیلن تماس آلیش اوچون اوشبو ولایت مرکزی پل علم شهری گه باره‌ر ایدیلر.
اونگه کوره، مخابراتی ترماقلر نینگ فعالیتی مذکور تومن اهالیسی نینگ قیین‌چیلیکلری نی حل قیلگن دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «خروار تومنی‌ده مخابراتی ترماقلر نینگ فعالیت گه باشلگنی بیر یخشی آدیم دیر. اوتمیش‌ده اوشبو خذمت‌لردن محروم ایدیک. حاضر ایسه بیر کسل‌لیک یا-ده عاجل ایش چیقگنی پیتده، آسان بیر شکلده قیین‌چیلیک‌لریمیز نی تلیفون آرقه‌لی حل قیله آله‌میز.»
لوگر ولایتی تکنالوژی و مخابرات ریاستی نینگ معلوماتی اساسیده، حاضر ایسه اوشبو ولایت یشاوچیلریدن ۷۰ فایزی مخابراتی و انترنیتی خذمت‌لر گه قول تاپگنلر و شونینگدیک اوشبو ولایت نینگ باشقه منطقه‌لریده هم مخابراتی و انترنیتی خذمت‌لر زمینه‌سی نینگ فراهم بولیشی اوچون سعی و حرکت بوله‌دی.
