قندوز یشاوچیلریدن قطاری نینگ ایتیشلریچه، قندوز ولایتی‌ده سونگی بیش ییل‌ده مخابراتی شبکه‌لر، کیچه تاماندن امنیتی تهدیدلر سبب، فعالیت قیلمس ایدی، مملکت‌ده اسلامی امارت حاکم بولگن‌دن بویان مخابراتی شبکه‌لر قیته‌دن ۲۴ ساعت فعالیت قیلیش‌گه باشله‌دیلر.
بیراق اولر نینگ ایتیشلریچه، بو شبکه‌لر نینگ فعالیتی‌دن نیچه آی اوتیشی بیلن مخابراتی و انترنتی خذمت‌لر ییترلی ایمس و اوشبو ولایتده‌گی شبکه‌لر صفتی قویی بولگنیدن شکایت قیله‌دیلر.
قندوز یشاوچیلری نینگ کوپه‌یتیریش‌لریچه، اوشبو ولایت نینگ مرکزی شامل برچه تومن‌لریده مخابراتی شبکه‌لر فعالیتی ضعیفلشگن و اولر اوشبو شبکه‌لردن اساسی روشده فایده لنه آلمه‌یدیلر.
بیزلرنینگ فیسبوک صحیفه‌میزگه باش اورینگ!
اولر اسلامی امارت مسئول‌لریدن، مخابراتی خذمت‌لر و انترنت صفتی خصوصیده دقت قیلیش لرینی طلب قیله‌دیلر.
قندوز ولایتی «قلعه زال» تومنی یشاوچیلریدن بیری عبدالعظیم ترکمن نینگ سلام وطندارگه ایتیشیچه: اینترنت جوده هم ضعیف، فیسبوک، واتس‌اپ ایشلمه‌یدی، قونغراق قیلسک بیرینچی، ایکینچی مرته‌گه باغلنه آلمه‌ی میز بیشینچی مرته‌گه باغلنه‌میز.»
عین‌حالده قندوزده‌گی قطار شرکت‌لرنینگ ایگه‌لری حکومت دن تنقید قیلیب ایتیشلریچه، مخابراتی ترماغ‌لر کریدت کارت لردن ۱۰ فایز سالیق آله‌دی؛ بیراق اینترنت و مخابراتی خذمت‌لر اوچون دقت قیلمه‌یدیلر.
اولرنینگ کوپیتیریشیچه، شرکت لری نینگ فعالیت لری‌دن اکثری‌سی اینترنت آرقه‌لی بجریله‌دی، لیکن مذکور ولایت بویلب خذمت لر ضعیف لیگی و اینترنت صفت سیزلیگی اولرنی قیینچیلیکه روپه‌رو قیله‌دی.
بیزلرنینگ توییترده هم تعقیب قیلینگ!
شونینگدیک قندوز محلی مسئول‌لری، مخابرات و اینترنتی قیینچیلیکلرنی مرکز بیلن شریک قیلگن و تیزلیک بیلن اوشبو مشکل‌لر حل ایتیلیشی‌دن ایشانچ بیلدیره دیلر.
بوتوغریده مخابراتی خذمت‌لرنی ترتیب‌گه سالیش یا اترا و قندوز مخابراتی شرکت‌لر اداره متصدی‌لری نینگ فکر-ملاحظه‌لرینی آلیش اوچون سعی-حرکت قیلدیک؛ لیکن موفق بوله آلمه‌دیک.
