اسلام امیرلیگی تامانیدن ایچکی و خارجی نادولتی مؤسسه‌لرده عیاللر نینگ ایشی توخته‌تیلیشیدن کیین، قطار مؤسسه‌لر افغانستان ده اوز فعالیت‌لرینی توخته‌تیش‌لریدن خبر بیرگنلر.
مذکور تشکیلات‌لر، افغانستان ده محتاج کیشی‌لرنی قوللب_قوتلب و اقتصادی قیینچیلیکلری حلی اوچون یاردم بیرر ایدی.
مذکور تشکیلات‌لر نینگ فعالیتی توخته‌شی بیلن، ایکی مینگ گه یقین ایشلاوچلری نینگ تقدیرسیز بولیشی گه علاوه، اوشبو تشکیلات‌لر تامانیدن یاردم آله‌دیگن محتاج کیشی‌لرهم تقدیرسیز بولگن.
بیزلرنینگ فیسبوک صحیفه‌میزگه باش اورینگ!
ایش بیلرمان‌لر نینگ ایشانچی گه کوره، افغانستانده خلقارا یاردم بیرووچی تشکیلات‌لر نینگ فعالیتی توخته‌شی، انسان پرورلیک یاردم‌لر کمه‌یشی، اقتصادی قیینچیلیک، ایش‌سیزلیک و مملکت بویلب اقتصادی بحران کوچه‌یشیگه سبب بوله‌دی.
منطقه‌وی استراتیژیک مطالعه‌لر تدقیقاتچیسی مظاهر رئیس زاده نینگ ایتیشیچه: «یاردم بیروچی بونده‌ی دفترلر بولمسه، افغانستان ده ایش‌سیز و محتاج کیشی‌لر نینگ وضعیتیدن آگاهی‌لیک تاپیش قیین دیر، حاضرگی شرایط ده بونده‌ی ایش ناتوغری دیر.»
اقتصادی ایش بیلرمان لعل‌زازی گه کوره: «افغانستانده اقتصادی و بشری وضعیت خواطرلی دیر، افغانستاندن اقتصادی و سیاسی تحریم‌لر کمه‌یشی اورنیده کوپه‌یماقده و کوپراق عادی اهالی ضرر کوره‌دی.»
شونینگدیک، افغانستانده انسان حقلری تشکیلات‌لری نینگ فعالیتی توخته‌شی، باله‌لر و محتاج کیشی‌لر نینگ وضعیتی گه دایر خواطرلرنی کوچه‌یتیرگن.
بیزلرنینگ توییترده هم تعقیب قیلینگ!
باله‌لر حقوقی فعاللریدن عبدالوحید فروتن نینگ کوپه‌یتیریشیچه: «حاضر ۱۴ میلیون باله جدی خطر بیلن روپه‌ره دیر، ایکی میلیون دن آرتیق باله توییب آوقات‌لنمسلیککه دوچ دیر و بیر میلیون باله باش پنه‌سیز دیر و شونینگدیک باله‌لردن شاق ایشلر گه قوللـه‌نیلیب و اولر تعلیم دن محروم دیر، شونی اوچون افغانستانده باله‌لردن حمایت قیلووچی صندیغ و باله‌لردن حمایت قیلووچی تشکیلات فعالیتی مهم دیر.»
عین‌حالده، بیرلشگن ملت‌لر تشکیلاتی نینگ خوفسیزلیک کینگشی، ایچکی و خارجی نادولتی مؤسسه‌لرده عیاللر نینگ ایشی توخته‌تیلیش قراری، افغانستانده بیرلشگن ملت‌لر تشکیلاتی نینگ ایشی اوستیگه سلبی تأثیر قیلیشیدن آگاه‌لنتیرگن.
