بوگون ۱۵ اکتوبر-۲۳ میزان، خلق‌ارا قیشلاق خاتین‌لری کونی بیلن ماس دیر، مملکت نینگ قطار ولایت‌لریده قیشلاق خاتین‌لری طبی، تعلیم و ایش خدمت‌لریدن فایده‌لنیش امکانیتی یوق‌لیگی و شونینگدیک قانونی یاش‌نی تولدیرمه‌گن قیزلری، تورموش گه بیریلیشیدن شکایت قیله‌دیلر.
غور مرکزی فیروزکوه شهری نینگ شمال‌شرقیده جایلشگن «غلمین» قیشلاغی یشاوچیسی «مستعار» اسملی بلقیس، قشاق‌لیک باعث، ۶ یاشر قیزینی تورموش گه چیقرگن ایتیشیچه، ایری یوق و اقتصادی قیینچیلیک باعث کیچیک یاشر قیزینی ایر گه بیریش گه مجبور بولگن.
جوزجان‌لیک عیال لیلما نینگ ایتیشیچه، بوندن آلدین ایکینچیلیک ایشلری بیلن مشغول بولیب و عایله‌سی نینگ خرجتینی تأمینلر ایدی؛ لیکن اوشبو ییل سوو تاشقین‌لری باعث ایکینچیلیک محصولات‌لری نقصان کورگن، برچه امکانیتینی هم ایکینچیلیک ایشلری گه صرفله‌گن و حاضر، اقتصادی قیینچیلیک بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
پکتیا یشاوچیلریدن جمیله گه کوره، اوشبو ولایت نینگ قیشلاق خاتین‌لری، ساغلیک خدمت‌لریدن فایده‌لنیش امکانیت‌لری یوق دیر.
شو بیلن بیرگه، عیال حقوقی فعاللریدن قطاری نینگ ایتیشلریچه، اوتگن ییل‌لرده مملکت نینگ قیشلاق خاتین قیزلری گه، تعلیم و طبی خدمت‌لریدن فایده‌لنیش امکانیتی یره‌تیلمه‌گن، شونینگدیک قیشلاق خاتین قیزلری دایمی ایشلردن محروم دیر.
سلام‌وطندار بیلن صحبت اوتکزگن عیال حقوقی فعالی معصومه حسینی، اسلامی امارت دن قیشلاق خاتین‌لری گه تعلیم، طبی و ایش خدمت‌لریدن فایده‌لنیش امکانیتی یره‌تیلیشینی طلب قیله‌دی.
شو بیلن بیرگه، اسلامی امارت سوزلاوچیسی اورین باسرلریدن بلال کریمی نینگ سلام‌وطندار گه ایتیشیچه، اسلامی امارت مملکت بویلب خاتین قیزلر نینگ تیریکچیلیک احوالی اوزگریلیشی مقصدیده سعی و حرکت قیلماقده دیر.
بیزلرنینگ توییترده هم تعقیب قیلینگ!
بیرلشگن ملت‌لر تشکیلاتی، قیشلاق خاتین قیزلری و اولر نینگ فعالیت‌لرینی قوللب_قوتلش اوچون ۲۰۰۷_ییل دسمبر آیی ده بیر قطعنامه صادر قیلدی که اونگه اساس، ۱۵ اکتوبر خلق‌ارا قیشلاق خاتین‌لری کونی اوله‌راق تنلندی.
اوشبو کوندن قیشلاق خاتین‌لری و اولر نینگ فعالیت‌لریدن حمایت قیلیش، آزیق_آوقات خوفسیزلیگینی تأمینلش و دنیا بویلب قشاق‌لیککه نقطه قوییش مقصدیده نشانلنه‌دی.
