کابل یشاوچیلریدن قطاری مخابراتی خذمت‌لر نرخی یوقاری‌لیگی و صفتی قویی بولگنی‌دن شکایت قیلیب ایتیش‌لریچه، افغانستان ده اینترنت باشقه مملکت‌لر گه قره‌گنده ایکی برابر ساتیله‌دی. کابل نینگ پولی‌تخنیک بیلیم یورتی‌ده مهندسلیک فاکولته‌سی طلبه‌سی بولمیش مجتبا نینگ ایتیشیچه، او و صنف‌داش‌لری درس‌لری نی اوقیش و اورگنیش اوچون کوپینچه پیت اینترنتدن قوللنه‌دیلر؛ بیراق اینترنت نرخی یوقاری‌لیگی سبب، کوپینچه قیین‌چیلیک بیلن روپه‌ره‌لر.
اونینگ کوپه‌یتیریشیچه: «بیلیم یورت طلبه‌سی‌مین و صنفی‌میز‌ده طلبه‌لردن کوپ قطاری اینترنت نرخی یوقارلیگی سبب، درس‌لری خصوصیده اینترنتدن فایده‌لنه آلمه‌یدیلر.»
بیزلرنینگ توییترده هم تعقیب قیلینگ!
شونینگدیک «کاکر سعادت» سیاحتی شرکت ایشلاوچیلریدن بیری محمد‌رستم، اینترنت نرخی یوقاری‌لیگی و صفتی قویی بولگنی‌دن شکایت قیلیب و ایتیشیچه، بو وضعیت نینگ دوام تاپگنی صورت‌ده، اولر کوپینچه قیین‌چیلیک بیلن روپه‌ٰره بولیش‌لری ممکن. اونینگ کوپه‌یتیریشیچه: «افغانستان ده اینترنت نرخی باشقه مملکت‌لر گه قره‌گنده یوقاری و شونینگدیک اینترنت صفتی اوچون کوپینچه پیت قیین‌چیلیک بیلن روپه‌ره‌میز؛ چونکه ایشی‌میز اینترنت گه باغلیق و هر لحظه شرکت‌لر نینگ سایت‌لری نی ویزا اوچون اختره‌میز.»
شونده‌ی بیرحالده، (اترا) یا-ده مخابراتی خذمت‌لرنی منظم‌لشتیریش اداره مسئوللری نینگ ایتیش‌لریچه، مخابراتی شرکت‌لر اوچون نرخنامه تعیین‌لنگن. اوشبو اداره سوزلاوچیسی جلال‌الدین شمس نینگ ایتیشیچه، حاضر ایسه بیر «جی‌بی» اینترنت، ۱۱۰ افغانی ساتیله‌دی. اونینگ کوپه‌یتیریشیچه: «اینترنت قیمت‌لری خصوصیده یشاوچیلر نینگ شکایتی‌دن کیین، بیرینچی مرته مخابراتی شرکت‌لر گه نرخنامه تعیین بولدی و بوندن آلدین، بیر جی‌بی اینترنت ۲۵۰ الی ۳۰۰ افغانی ساتیله‌ر ایدی و حاضر ایسه ۱۱۰ افغانی ساتیله‌دی.»
مخابراتی خذمت‌لر تنظیم قیلووچی اداره مسئوللری نینگ کوپه‌یتیریش‌لریچه، حاضر ایسه ۳۰ میلیون مخابراتی ترماق‌لر مشتری‌لریدن، افغانستان یشاوچیلریدن ۱۲ میلیونی اینترنتدن فایده‌لنگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، مخابراتی خذمت‌لر تنظیم قیلووچی ایش بیلرمان‌لریدن قطاری نینگ ایتیش‌لریچه، اسلام امیر‌لیگی مخابراتی ترماق‌لردن کوپینچه‌سی نی نظارت قیلمه‌گنلری پیتده، مملکت‌ده اینترنت نرخی کمه‌یب و اونینگ صفتی هم یخشی‌لنیشی ممکن. مخابراتی خذمت‌لر تنظیم قیلووچی بیلرمان سیف‌الله طیب نینگ ایتیشیچه: «اسلام امیر‌لیگی برچه اینترنتی منبع‌لر نینگ تامین قیلیش ایسته‌گنی صورت‌ده، اینترنت صفتی یوقاری کیتیشی و قیمت‌لر کمه‌یشی خصوصیده فایده‌لی بوله‌دی.»
ایتیش کیره‌ک که، بوندن آلدین افغانستان ده اینترنتی خذمت‌لر عرضه‌سی اوچون، ییتی مینگ‌دن آرتیق مخابراتی آنتن بار ایدی که، اسلام امیر‌لیگی نینگ قدرت گه ایریشگنیدن کیین، اوزاق منطقه‌لرده مخابراتی خذمت‌لر گه یشاوچیلر نینگ فایده‌لنیشی اوچون، باشقه ۴۵۰ مخابراتی آنتن قوریلگن.
