اسلام امیرلیگی ستندرد و صفت ادارهسی، بلخ ولایتی حیرتان بندریده اوزبیکستاننینگ قوریلیش موادی و بطریسی بولگن ایکی یوک قیتریلگنیدن خبر بیردی.
اوشبو اداره، بوگون (۲ سنبله/۲۴ آگست، دوشنبه) ایکس اجتماعی ترماغیده بیر بیانیه ترقهتیب اوشبو ایکی یوک مملکت ایچکی معیارلریگه تینگ بولمهگنی سببلی قیتریلگنینی معلوم قیلگن.
بیانیه گه کوره، بو یوکلر ۴.۵ تُن میس سیمی و ۳۰ دانه بطریدن عبارت بولیب و صفتسیزلیگی انیقلنگچ مملکت بازارلریگه کیریتیلیشی گه رخصت بیریلمهگن.
ایسلهتیب اوتهمیز، ستندرد و صفت ادارهسی اوتگن کونی هم فراه ولایتیده ابونصر فراهی بندریده مملکت ایچکی معیارلریگه تینگ بولمهگن قوریلیش موادی و قالیندن عبارت ۱۳۹ تُندن آرتیق یوک قیتریلگنینی ایتگن ایدی.
