خلق‌ارا قاچقینلر تشکیلاتی (IOM)، اوتگن کون (سه‌شنبه، ۷-حمل)، بیر گزارش ترقه‌تیش بیلن آگاه‌لنتیریشیچه، سونگی بیر دهه‌ده ۶۳ مینگ‌دن آرتیق قاچقین، مقصد‌لری گه ییتیشمس‌دن آلدین اولیب یا-ده یوقالگنلر که اولردن کوپینچه‌سی نینگ عیال‌لر و باله‌لر تشکیل بیره‌دی.
اوشبو تشکیلات نینگ گزارشی اساسیده، یالغیز ۲۰۲۳-ییل‌ده بیرمینگ ۱۸۱ افغانستان‌لیک قاچقین ناقانونی مهاجرت‌لر یولی‌ده جان‌لری نی قولدن بیریب یا-ده یوقالگنلر.
مذکور گزارش نینگ بیر بولیمی‌ده کیلیشیچه: «سونگی بیر دهه‌ده کمیده ۶۳ مینگ ۲۸۵ کیشی مملکت‌لریدن مهاجرت قیلیش‌لری جریانیده جان‌لری نی قولدن بیریب یا-ده یوقالگنلر. بو مدت‌ده، ۲۸ مینگ د۸۵۴ کیشی ایسه مهاجرت جریانیده یوقالگن. اولگن یا-ده یوقالگن قاچقین‌لردن هر اوچ ته‌سیدن بیرته‌سی اوروش‌دن اذیت چیککن مملکت جمله‌دن افغانستان دن ایکن؛ بو آره‌ده اولگنلر آره‌‌سیده عیال‌لر و باله‌لر سانی هم کوپ دیر.»
بیزلرنینگ فیسبوک صحیفه‌میزگه باش اورینگ!
عین حالده، خلق‌ارا قاچقینلر تشکیلاتی نینگ اورغولشیچه، قربانی‌لردن اوچ‌دن ایکی قسمی‌دن کوپراغی تانیلمه‌ی و مورد‌لردن یریمی‌دن آرتیغی‌ده ایسه بو تشکیلات، قاچقینلر نینگ جنسیت و یاشی نی تعیین قیله آلمه‌گن.
باشقه بیر تاماندن، ناقانونی مهاجرت‌لر یولی‌ده اولیب یا-ده یوقالگن قاچقین‌لردن قطاری نینگ عایله اعضالری یا-ده یقین‌داشلری گه کوره، قشاق‌لیک و ایش‌سیزلیک اولر نینگ مهاجرت قیلیشی گه سبب بولگن.
هرات یشاوچیلریدن عبدالعزیز نینگ سلام‌وطندار گه ایتیشیچه، ۵ آی‌دن بویان ایناغه‌سی ایران یولی‌ده یوقالگن دیر. «۲۲ یاشر ایناغم ۵ آی‌دن بیری یوقالگن دیر. ایران گه مهاجرت قیلگن ایدی. هیچ بیر خبر یوق و اوزی هم بیزلر گه تماس آلگنی یوق که نیمه گپ بولگن؛ اونی اوغری می قولگه آلمیش، ایسته‌گنی ییر گه می ییتیشمیش یا که اولمیش می هیچ بیری بیللی ایمس. اقتصادی قیین‌‌چیلیک‌لر اوچون مهاجرت قیلگن ایدی.»
شونینگدیک اوچ آی آلدین اوزی و یقین‌داشلری نینگ مهاجرت یولی‌ده قوراللی اوغریلر هجومی گه شاهد بولگن پروان ولایتی یشاوچیلریدن بیری بشیر نینگ ایتیشیچه، اوشبو واقعه نتیجه‌سیده، یقین‌داشلریدن بیری اولیب و باشقه بیرته‌سی ایسه یره‌لنگن.
اونینگ ایتیشیچه: «ایران یولی‌ده اوچ کیشی ایدیک، اوغریلر هجوم قیلدیلر، بیرته‌میزنی اولدیردی، بیرته‌میز نی یره‌لنتیردی. بیر ایر و خاتین ایدیلر. خاتینی اولدیریلدی و تورموش اورتاغی ایسه یره‌لندی. هیچ بیرته‌میز نینگ اقتصادی وضعیتیمیز یخشی ایمس ایدی و اولر هم ینگی‌لیکده توی قیلگن ایدیلر.»
بیزلرنینگ «ایکس» ترماغی ده هم تعقیب قیلینگ!
خلق‌ارا قاچقینلر تشکیلاتی نینگ گزارشی اساسیده، افغانستان‌لیک قاچقین‌لردن کوپینچه‌سی نینگ اولیمی ایران یولی‌ده یوز بیرگن.
شونده‌ی بیرحالده، مذکور تشکیلات نینگ اورغولشیچه، ۲۰۲۴-ییل‌ده دنیا بویلب یوقالگن یا-ده اولگن قاچقینلر سانی نینگ آشیشی ممکن.
خلق‌ارا قاچقینلر تشکیلاتی بو گزارش‌ده، اختریش و قوتقریش قابلیت‌لری کوپه‌یتیریلیشی، تینچ و منظم مهاجرت یوللری ایجاد بولیشی اوچون اقدام‌لر کوپه‌یشی، کوپینچه تلفات آلدی آلینیشی و شونینگدیک انسان قاچاقی شبکه‌لری گه قرشی دنیا همکارلیک‌لری کوپه‌یشی گه تاکید قیلگن.
