ایتالیا ده افغانستان ایلچی‌خانه‌سی بیر خبرنامه ترقه‌تیب اعلام قیلیشیچه، ایتالیا ساحل‌لریده غرق بولگن کیمه‌ده‌گی قربانی‌لر نینگ کیم‌لیگی تانیلگنی‌دن کیین، ۳۲ افغانستان‌لیک یشاوچی نینگ هلاک بولگنی بیللی بولگن.
افغانستان ایلچی‌خانه‌سی نینگ خبرنامه‌سی اساسیده، اوشبو کیمه‌ده قریب ۱۸۰ کیشی نینگ حضوری بار ایکن که، حاضرگچه ۶۷ کیشی نینگ جسدی تاپیلگن.
بیزلرنینگ توییترده هم تعقیب قیلینگ!
شونده‌ی بیرحالده، ایتالیا ساحل‌لریده غرق بولگن کیمه‌ده‌گی قربانی‌لر نینگ جسد‌لری ایتالیا نینگ کروتون شهریده‌گی قبرستان گه کومیلیش‌لری ممکن؛ بیراق اسلام امیر‌لیگی نینگ تشقی ایشلر وزیرلیگی بوندن آلدین بیر بیانیه ترقه‌تیش بیلن یاردم بیرووچی نهادلردن مذکور قربانی‌لر جسد‌لری نینگ افغانستان گه انتقال تاپیشی نی ایسته‌گنلر.
عین حالده، کوپینچه قیین‌چیلیک‌لر بیلن اوزلری نی تورکیه گه ییتیشتیرگن افغانستان‌لیک یشاوچیلریدن قطاری نینگ ایتیش‌لریچه، ایش‌سیزلیک و قشاق‌لیک سبب، اروپا گه باریش اوچون افغانستان نی ترک قیلگنلر.
تورکیه ده افغان مهاجرلردن قسیم نینگ ایتیشیچه: «افغانستان‌ده ایش‌سیزلیک و قشاق‌لیک سبب، ترک قیلدیک. حاضر ایسه تورکیه گه ییتیشدیک و تورکیه ده افغان‌لر آسان بیر شکلده ایش قیله آلمه‌یدی و بو ییر گه کیلگن کیشی‌لرده سند و پول یوق.»
شونینگدیک تورکیه ده‌گی مهاجرلردن باشقه بیری بهنود نینگ ایتیشیچه: «تورکیه ده افغانستان ایلچی‌خانه‌سی موجود دیر و افغانستان یشاوچیلریدن قطاری نادارلیک و قشاق‌لیک سبب، مملکت نی ترک قیلگن، بیراق اسلام امیر‌لیگی نینگ تورکیه ایلچی‌خانه‌سیده بولگن نماینده‌لریدن قیین‌چیلیک‌لر نینگ حل بولینیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ایتالیا ده افغانستان ایلچی‌خانه‌سی نینگ ایتیشیچه، ایتالیا ساحل‌لریده غرق بولگن کیمه‌ده قوتقریلگن ۵ افغان مهاجر، درمان اوچون کروتون شهری نینگ کسل‌خانه‌سی گه انتقال تاپگن.
ایتیش کیره‌ک که، نیمروز محلی رسمی‌لری نینگ بیاناتی اساسیده، اوتگن ۱۱ آی‌ده ۴۷۰ افغان مهاجر نینگ جسدی ایران دن اوشبو ولایت گه انتقال تاپگن دیر.
