بوگون ۲۸-ثور خلق‌ارا موزیم کونی دیر. مذکور کون‌ده، کابل ده افغانستان ملی موزیمی قطار کیشلر نینگ حضوری گه شاهد دیر، بیراق بو ییل اسلامی امارت حکومتی تامانیدن هیچ بیر برنامه آلینمه‌گن.
مملکت ملی موزیمی‌ده‌گی مسئوللر نینگ ایتیش‌لریچه، بو ییل قدیمی اثرلر نینگ درجه‌بندلیگی، حفظ و مراقبتی و موزیم گه باره‌دیگنلر نینگ توجه‌لری نی جلب قیلیش اوچون کوپینچه برنامه‌لری بار؛ لیکن برنامه‌لری نینگ یول گه قوییش اوچون امکانیت و سرپرست حکومت نینگ مالی حمایتی گه نیاز دیر.
بیزلرنینگ توییترده هم تعقیب قیلینگ!
مملکت ملی موزیم آمری عین‌الدین صداقت نینگ سلام‌وطندار بیلن اوزتکزگن صحبتی‌ده ایتیشیچه: «کابل و قطار ولایت‌لرده برنامه‌لریمیز نی یولگه قوییش اوچون، اسلامی امارت حکومت رهبری‌دن بیزلر گه مالی حمایت قیلیش‌لری نی سوره‌یمیز. پلان‌لری‌میز بار که نمایشگاه‌لر نی یولگه قویسه‌ک، ولایت‌لرده کیچیک موزیم‌لر توزه‌تسه‌ک و قدیمی اثرلر نی درجه‌بندلیک قیلسه‌ک.»
شونده‌ی ببرحالده، ملی موزیم‌دن کوروچیلر نینگ سلام‌وطندار گه ایتیش‌لریچه، حاضرگچه قدیمی اثرلر ارزشی خصوصیده اهالی نینگ تشویق قیلیش اوچون هیچ بیر فایده‌لی ایش انجام بیریلمه‌گن. شونینگدیک اولر قدیمی اثرلردن کوپ قطاری نینگ اورته‌دن کیتیشی خصوصیده خواطرده‌لر.
غزنی یشاوچیسی و ملی موزیم‌دن کوروچیلردن عبدالاحد نینگ سلام‌وطندار گه ایتیشیچه، اوشبو ولایت‌ده‌گی تاریخی و قدیمی اثرلردن قطاری نینگ تقدیری خصوصیده خواطرده دیر.
اونینگ ایتیشیچه: «غزنی‌ده تاریخی و قدیمی اثرلر کوپ بار، بیراق قیغو بیلن نه حکومت و نه اهالی اولر گه توجه قیله‌‌دی. اوشبو اثرلردن قطاری نینگ ایشی یریم قالگن، اولر نینگ قیته قوریلیش گه نیاز بار، بیراق توجه بولمه‌یدی.»
بیزلرنینگ فیسبوک صحیفه‌میزگه باش اورینگ!
عین حالده، مدنی فعال‌لر و باستان شناس‌لر قدیمی اثرلر خصوصیده‌گی توجه‌سیزلیک نی فاجعه‌‌لی دیب و تاریخی اثرلر نینگ قیته قوریلیشی و حفاظتی اوچون جدی توجه قیلیش‌لری نی سوره‌یدیلر.
باستان شناس‌لردن غلام‌حیدر کوشککی نینگ ایتیشیچه: «اسلامی امارت قاچاق‌چیلر نینگ قولی ییتیشمه‌یشی اوچون قدیمی ساحه‌لر گه جدی توجه قیلیش‌لری کیره‌ک. خطر گه دوچ کیلگن قدیمی ساحه‌لر و خراب بولگن اثرلر نی باستان شناس‌لر نینگ مشوره‌سی بیلن قیته توزه‌تیب و اولر نینگ تخریب بولیشیدن توسیق بولیش‌لری کیره‌ک.»
ییل‌لردن بویان مملکت قدیمی اثرلری نینگ اورته‌دن کیتیشی، تخریب بولیشی و شونینگدیک اولردن حفاظت قیلیش اوچون بودیجه یوقلیگی خصوصیده قیین‌چیلیکلر بار؛ لیکن حاضرگچه اوشبو قیین‌چیلیکلر نی حل قیلیش اوچون هیچ بیر ایش انجام بیریلمه‌گن.
باشقه بیرتاماندن، مملکت موزیم‌لری نینگ کوروچیلری هم کوپ ایمس که بو یول‌دن ییترلیگچه عواید توپلب و برنامه‌لری نی یولگه قوییش اوچون قوللنسه‌لر.
