دنیا بانکی نینگ اعلام قیلیشیچه، افغانستان‌نی قیته قوریش صندوقی نینگ مالیه‌وی یاردم بیروچیلری و دنیا جماعه‌چیلیگی نینگ طلبی اساسیده، مذکور بانک نینگ مدیره هیأتی، افغانستان یشاوچیلرینی قوللب قوتلش وچون کینگهیتیریلگن پالیسی‌نی تصویب قیلگن.
دنیاب بانکی بیر اعلامیه ترقه‌تیب ایتیشیچه، اوشبو پالیسی اساسیده، افغانستان‌نی قیته قوریش صندوقی نینگ ۱ میلیارد دن آرتیق دالری، بیرلشگن ملت‌لر تشکیلاتی و خلق‌ارا غیر دولتی تشکیلات‌لر شامل ۳- نهاد گه اختصاص بیریله‌دی.
بیزلرنینگ فیسبوک صحیفه‌میزگه باش اورینگ!
اعلامیه‌ده کیلیشیچه، اوشبو پالیسی تصویب بولیشیدن مقصد، اساسی خذمت‌لر، محتاج افغان‌لر و سرمایه یاتقیزیش‌نی قوللب قوتلش و کیله‌‌جک ده بشری یاردم لر گه نیازمندلیکلرنی کمه‌یتیریش دیر.
اعلامیه اساسیده، دستلب افغانستان‌نی قیته قوریش صندوقی نینگ حمایتچیلری، تیز نیازمندلیک‌لر کمه‌یتیریلیشی مقصدیده اورگه‌تیش، ساغلیک، ایکینچیلیک و جامعه معیشتی ساحه‌لریده قریب ۶۰۰ میلیون دالرلیک تورت پروژه باره سیده قرار آلیش‌لری ممکن.
دنیا بانکی گه کوره، کیله‌سی هفته‌لرده افغانستان نینگ قیته قوریش صندوی یاردمچیلری و باشقه شیریک‌لری بیلن مذکور پروژه‌لر طرحی و مالی قیینچیلیگی نهایی بولیشی مقصدیده یقیندن ایشله‌یدی. عین‌حالده، دنیا بانکی نینگ عملیاتی ایشلری، اوشبو پروژه‌لر چوکاتیده قراردادلری بولگن‌لر اوستیگه عملی بولیب و دنیا بانکی نینگ؛ طرح ریزلیک مرحله و پروژه‌لرنی نظارت ایتیشده فعال رولی بولیشی ممکن.
بیزلرنینگ توییترده هم تعقیب قیلینگ!
شونینگدیک دنیا بانکی نینگ اعلامیه سیده کیلیشیچه، شرایط اجازه بیریب و افغانستان‌نی قیته قوریش صندوقی نینگ خلق‌ارا یاردمچیلری قرار آلگن تقدیرده، دستلبکی اوشبو ۶۰۰ میلیون دالر افغانستان‌نی قیته قوریش صندوقی نینگ کوپراق تخصیص‌لری بیلن، ۲۰۲۲-ییل جریانیده خلق‌ارا اداره‌لر گه تاپشیریلیشی ممکن.
اوشبو پالیسی عین‌حالده تصویب بولگن که قیش موسومیده افغانستان یشاوچیلری نینگ تامینلش مقصدیده اوتگن ییلی ۱۵ دسامبرده، افغانستان‌نی قیته قوریش صندوقی نینگ ۲۸ میلیون دالری که ۱۰۰ میلیون دالر یونیسف اوچون و ۱۸۰ میلیون دالر آزیق-اوقات دستوری اوچون اختصاص بیریلگن ایدی.