کابل‌ده اعتراضچی عیال‌لری نینگ ایتیش‌لریچه، اسلو ییغینیده اولر نینگ اساسی ایسته‌کلری بیان ایتیلمه‌گن. اولر گه کوره اوشبو ییغین‌ده اعتراضچی عیاللر نماینده‌سی ایش، تحصیل و سیاسی ییغینلرده اشتراک قیلیش حقی بیریلیشی اوستیده تاکید قیلمه‌گن.
کابل‌ده اعتراض بیلدیرگن عیال‌لردن عارفه فاطمی، کابل‌ده ناراضی‌‌لیک بیلدیرگن عیاللر نماینده‌سی هدا خموش نینگ اسلو ییغینیده نطق سوزلگنی نی قانیقرلی بیلمه‌یدی. او، بوگون سلام‌وطندار بیلن اوتکزگن سوزلشوویده ایتیشیچه، خانم خموش تامانیدن بیان بولگن تکلیف‌لر، نیچه آیدن بیری سرک‌لرده اسلامی امارت قرارلری گه قرشی شعار بیرگن عیاللر نینگ خواهش-ایسته‌گلری اساسیده ایمس.
بیزلرنینگ فیسبوک صحیفه‌میزگه باش اورینگ!
خانم فاطمی نینگ ایتیشیچه، اوشبو ییغین‌ده اعتراضچی عیاللر نماینده‌سی نینگ بیانیه‌سی‌نی اصلی محتواسی، شرط‌سیز ایش، تحصیل و عیاللر نینگ سیاسی ییغینلرده قتنه‌شیشی خصوصیده تمرکز قیلیشی کیره‌ک ایدی.
او، اسلو ییغینیده نماینده‌لریدن پیش کیلگن فرصت‌دن عیاللر نینگ اساسی حقوق‌لری گه قول تاپیش اوچون سعی و حرکت قیلیش‌لری نی سوره‌گن.
عین حالده، اسلو ییغینیده اعتراضچی عیاللر نماینده‌سی هدا خموش نینگ بیاناتی، اجتماعی ترماق‌لر ایشلاوچیلری و عیال حقوقی فعال‌لری تامانیدن خوش قرشی‌لنگن.
عیال حقوقی فعالی زرقا یفتلی، هدا خموش نینگ اسلامی امارت‌دن ایسته‌کلری نی ییترلی دیب ایتیشیچه، اوشبو ایستک‌لر عمل گه آشیریلیشی مقصدیده دنیا جماعه‌سی نینگ سعی و حرکت قیلیشی کیره‌ک.
بانو یفتلی نینگ ایتیشیچه: «دنیا جماعه‌سی و اوشبو ییغین نی بوینیگه آلگن مملکت‌لر بو توغریده توجه قیلیش‌لری کیره‌ک که، اولر نینگ توجه‌لری افغانستان‌ده حاضرگی حاکم بولگن فاجعه و عیاللر گه وضع بولگن چیکلاو‌لر و قیین‌چیلیک‌لری نی برطرف بولیشی گه سبب بولسین.»
بیزلرنینگ توییترده هم تعقیب قیلینگ!
شونده‌ی بیرحالده، اسلامی امارت هیأتی، افغانستان مدنی فعال‌لری و سیاسی سیما‌لریدن قطاری آره‌سیده‌گی سوزلشوولر آمریکا و اروپا بیرلشمه‌سی نی خاص نماینده‌لری نینگ حضوری بیلن اوتگن کون ناروی پایتختی اسلو‌ده باشلندی. کابل اعتراضچی عیاللر نماینده‌سی هدا خموش، اوشبو ییغین‌ده اسلامی امارت گه تکلیف‌لری نی ارایه قیلگن.
اعتراض بیلدیرگن عیال‌لرنینگ قماق‌دن قوییب یوباریلیشی، مکتبلر نینگ آچیلیشی، جمعیت‌ده عیال‌لرگه برابر حق بیریلیشی، اسلامی امارت ایشلری بیرلشگن ملت‌لر تشکیلاتی تامانیدن کوزه‌تیلیشی، مملکتده‌گی بحران‌گه نقطه قوییش اوچون سیاسی برچه تامان‌لرنینگ کیلیشیوی اوشبو ییغین‌ده هدا خموش نینگ تکلیف‌لریدن ایدی.
