افغانستان بوییچه آمریکا بیرلشمه ایالتی نینگ خاص نماینده‌سی توماس وست نینگ ایتیشیچه، مملکت سابق جمهور رئیسی حامد کرزی بیلن سوزلشگن دیر. او توییتر صحیفه‌سیده یازگن که تیزلیککه قیزلر نینگ مکتب گه باریشلری و افغانستان کیله‌جگی نی تعیین‌لش اوچون ملی مشورتی بیر نیاز حقیده سوزلشگنلر.
شونینگدیک بوندن آلدین، افغانستان بوییچه آمریکا خاص نماینده‌سی قیز اوقووچیلر یوزیگه لیسه و اورته مکتب‌لری نینگ یاپیق قالیشی خصوصیده اسلامی امارت نینگ قراری گه عکس‌العمل کورستیب، اوشبو قرار نی افغانستان اهالی‌سی و دنیا جماعه گه خیانت دیگن ایدی.
بیزلرنینگ فیسبوک صحیفه‌میزگه باش اورینگ!
شونینگدیک افغانستان سابق جمهوررئیسی حامد کرزی، قیزلر مکتب‌لری نینگ تیزلیککه آچیلیشی نی ایسته‌ب و اسلامی امارت حکومتی‌دن رواجلنگن بیر افغانستان اوچون قیزلر نینگ تعلیمی گه رخصت بیریشلری نی سوره‌گن. کرزی اسلامی امارت‌دن افغانستان تعلیم، تربیه‌دن محروم قالیب و باشقه‌لر گه محتاج قالیشنی ایسته‌گن یاولر نینگ ریجه‌لری، عملی بولمسلیگی خصوصیده اورغوله‌گن ایدی.
قیزلر مکتب‌لری اوتگن ییل اسلامی امارت نینگ قدرت گه ایریشگنیدن کیین، ۲۴-اسد‌ده باغلندی. اسلامی امارت بیرینچی‌ده ۱-صنف‌دن ۶-صنف‌گچه قیزلر مکتب‌لری نینگ آچیلیشی اوچون رخصت بیرگن ایدی و اوندن کیین، ینگی قویاش ییل‌ده بوتون مکتب‌لر نینگ آچیلیشی خصوصیده سوز بیرگن ایدی.
بیزلرنینگ توییترده هم تعقیب قیلینگ!
قیزلر یوزیگه مکتب‌لر نینگ آیلر یاپیق قالگنیدن کیین، ۳-حمل‌ده قیزلر مکتب‌لری نینگ آچیلیش گه قرار آلیندی، بیراق معارف وزیرلیگی ۳-حمل کونیده قیزلر یوزیگه لیسه و اورته مکتب‌لری نینگ اینه بیر معلومات‌گچه یاپیق قالیشی نی اعلام قیلگن.
