هلمند ده قوروقچیلیک و سوو کملیگی سبب، بو ولایت شمالی و جنوبی تومنلریدهگی عایلهلردن مینگلرچهسی باشقه منطقهلرگه آواره بولگنلر. مذکور تومنلرده کوپینچه یشیل باغلر، ایکینزارلر و یشش اویلر، اهالیسی بولمهگن مسکنگه اَیلنگن که مثال صفتیده نوزاد، واشیر، کجکی و گرمسیر تومنیلرینی تیلگه آلیش ممکن.
مذکور انقراض بولگنی بیرحالده، هلمند ایکینچیلیک ریاستی حاضر اوشبو ولایتنینگ سووی کم بولگن تومنلر و منطقهلریده، عادی ایکینلر اورنیگه باغدارچیلیکنینگ رواجلنتیریشگه حرکت قیلماقده.
هلمند ولایتی ناوه تومنیدهگی انار باغلریده تعیینلنگن مسلکی بیر تیمنینگ ایتیشلریچه، سوو کملیگی سبب، باغدارلیک عادی ایکینلر اوچون یخشی بدیل بوله آلهدی؛ چونکه باغدارلیکنینگ آز سووگه نیازی بار.
بیزلرنینگ «ایکس» ترماغی ده هم تعقیب قیلینگ!
هلمند بیلیم یورت استادی و مذکور تیم اعضالریدن بیری یما خپلواک، دهقانلرگه آز سوو بیلن میوه درختلرینینگ ییتیشتیریش و حددن تشقری سوودن فایدهلنیلمسلیگی اسلوبلرینینگ اورگهنیشلری توغریسیده یاردم بیرهدی. «هلمند ده انار یانیده املوک هم یخشی نتیجه بیرگن. اوزوم و پسته هم یخشی حاصل بیرهدی و دشتلرده خرما یخشی حاصل بیرهدی و آز سوو گه نیازی بار.»
هلمند باغدارلیگیده قطرهای سووغاریش رواجلنیشی اوچون کوپینچه ایش بولمهگنی بیلن، بیراق ایکینچیلیک ریاستینینگ ایتیشیچه، مذکور اصول رواجلنیشی اوچون سعیوحرکتنینگ دوامی بار.
هلمند ایکینچیلیک ریاستی باشلیغی مطیعالله عابدنینگ ایتیشیچه، باغدارلیک رواجلنیشی اوچون بو ریاستدهگی موجود برچه امکانیتلردن فایدهلنیلیشی ممکن. «باغدارلیکنینگ رواجلنیشی اوچون برچه بار امکانیتدن ایش آلگنمیز. باغدارلیکنینگ آز سووگه نیازی بار و فایدهسی کوپ دیر. دهقانلر اقتصادی برقرارلیگی اوچون هم کوپ مهم رول اوینهیدی.»
حاضر ایسه، دولتی و خصوصی کوچتخانهلرده میوه باغلری قوریلیشی اوچون کوچت ییتیشتیریلیشینینگ دوامی بار و شونینگدیک باشقه ولایتلردن هم کوچت آلیب باریلهدی.
هلمند ده میوهلی کوچت ساتووچیلر بیرلشمهسی باشلیغی احمدشاهنینگ ایتیشیچه، مذکور ولایتده باغدارلیک هر ییلی ۱۰ فایز کوچهیهدی. اونگه کوره، جاری ییلده هلمند مرکزی و تومنلریده ۲۱۳ ته باغ قوریلیشی مقصد سعیوحرکت بولهدی. «هلمند ده هر ییلی، اوتگن ییلگه نسبت باغدارلیک سطحی قریب اون فایز کوپهیهدی و بو ییل هم اوتگن ییلگه نسبت باغدارلیکنینگ ۱۰ فایز کوپهیگنی ثبت بولگن.»
شونینگدیک هلمند ده باغدارلرنینگ ایتیشلریچه، سوو کملیگی سبب، باغدارلیک سنتی ایکینچیلیک برابریده یخشی بیر گزینه دیر. اولرگه کوره، باغدارلیک آز سووگه نیازی بولگنی یانیده، کوپینچه فایدهسی هم بار.
بیزلرنینگ فیسبوک صحیفهمیزگه باش اورینگ!
بو توغریده هلمند دهگی باغدارلردن عنایتاللهنینگ ایتیشیچه: «سوو کمهیگن و باغدارلیک باشقه ایکینلرگه قرهگنده آز سوو گه نیازی بار. بوغدارلیکنینگ یخشی فایدهسی بار و اونینگ خرهجتی آز دیر. انه شوو سبب هلمند یشاوچیلری باغدارلیککه یوز کیلتیرگن.»
بو ولایتدهگی باغدارلردن باشقه بیری سیدعلیگه کوره: «عادی ایکینلرنینگ باغدارلیککه نسبت کوپ سووگه نیازی بار؛ مثلا ایکیشدن ۱۶ و ۱۷ کوندن سونگ، باغلرنینگ سووغاریلیشگه نیازی بار، لیکن باشقه ایکینلرنینگ هر بیش کونده بیر مرته سووغاریلیشی کیرهک که سوو کملیگی حس بولهدی.»
هلمند ایکینچیلیک ریاستی و ایکینچیلیک ایش بیلرمانلریگه کوره، انار، املوک، اوزوم، خرما و پسته، سوو کم بولگن منطقهلر اوچون یخشی بیر گزینه دیر؛ چونکه اوشبو درختلر آز سوو گه نیازی بولیب و دهقانلرنینگ کوپینچه فایده قولگه کیلتیریشلریگه سبب بولهدی.
