هلمند نینگ شمالی تومن‌لری اینیقسه موساقلعه، واشیر، نوزاد و کجکی تومن‌لریده‌گی ایکینچیلیک ییرلر، سنه‌لردن بیری کاریزلر و طبیعی سوو منبع‌لری آرقه‌لی سوغاریلر ایدی؛ بیراق حاضر بو منطقه‌لر سوو ییتیشمسلیک قیینچیلیگی بیلن روپه‌ره بولگن.
سوو ییتیشمسلیک و باغ‌لر قوریب قالیشی، اوشبو تومن‌لر اهالیسی نینگ اساسی قیینچیلیک‌لریدن سنله‌دی، سوو ییتیشمسلیک باعث بو منطقه‌لرده‌گی مینگلب عایله اوی-جای‌لرینی ترک ایتیش گه مجبور بولگن.
نوزاد تومنی یشاوچیسی عزت‌الله و واشیر تومنی یشاوچیسی گل نینگ سلام‌وطندار گه ایتیشلریچه، اولر سوو ییتیشمسلیک باعث ایکینچیلیک ییرلری و بابا یورت‌لرینی ترک قیلیب لشکرگاه شهری گه آواره بولگنلر.
عزت‌الله نینگ ایتیشیچه: «حاضر سوو ییتیشمسلیک قیینچیلیگی بیلن دوچ میز. نوزاد تومنیدن قریب ۱۵ عایله کوچگن و بو جریان دوام ایتماقده. سوو یوق، اوچ اینج سوو یریم اینچ گه کمه‌یگن یا که هیچ سوو یوق. برمه کوپه‌یگن و کاریزلر کوپ وقت آلدین قوریب قالگن ایدیلر.»
بیزلرنینگ فیسبوک صحیفه‌میزگه باش اورینگ!
گل گه کوره: «کاریز یوق، کاریزلر حکایه‌سی یکونلنگن، برچه کاریزلر قوریگن. واشیر تومنیده هیچ کاریز ده سوو یوق و برمه کوپه‌یگن. برچه ییرلر قوریب قالگن.»
هلمند ولایتی موساقلعه و سنگین تومن‌لری یشاوچیلریدن نجیب‌الله و شاه‌محمود، سوو ییتیشمسلیگی باعث ایکینچیلیک ییرلری و اوی-جای‌لرینی ترک قیلیب و حاضر لشکرگاه شهری ده ایشله‌ماقده‌لر.
نجیب‌الله گه کوره: «سوو یوق، برچه اهالی ایشلاوچیلیککه یوز کیلتیرگن و هر کونی ۱۰۰ و ۲۰۰ افغانی ایشله‌یدیلر. ایش اوچون لشکرگاه شهری گه کیله‌دیلر، او ییر ده سوو یوق، کوپ سانده عایله‌لر آواره بولگن.»
شاه‌محمود نینگ کوپه‌یتیریشیچه: «قورغاقچیلیک باعث کوپ سانده عایله‌لر منطقه‌لرینی ترک قیلیش گه مجبور بولگن. لشکرگاه شهری، قندهار و باشقه منطقه‌لر گه آواره بولگنلر؛ چونکه سوو سیزیلرلی درجه ده کمه‌یگن. حاضر سوو سطحی ۲۲۰ متر کمه‌یگن. یشاوچیلر چقور قودوق‌لرنی قازیش گه کوچ‌لری ییتمه‌یدی و بیزنی منطقه‌میزدن ۳۰۰ عایله کوچگن.»
عین‌حالده، سوونی باشقریش ایش بیلرمان‌لردن بیرقطاری نینگ ایشانچی گه کوره، یاغنیچیلیک کمه‌یشی گه قوشیمچه، چقور قودوق‌لر قازیلیشی سوو تنقیص‌لیگی و قورغاقچیلیک اصلی عامل‌لریدن بیری سنله‌دی.
محمداسلم بوتوغریده سلام‌وطندار گه ایتیشیچه: «سوو نقطه‌ی نظر دن ییر سووی ایکی لایه گه اجره‌لگن؛ بیری سطحی و بیری ییر آستی چقوریده‌گی سوولر دیر. چقور قودوق‌لر قازیلگن حالده، سطحی سوولر چقور سوولر گه باریب قوشیله‌دی، یعنی بیز حاضر سطحی سوولرنی قولدن بیرماقده‌میز، بو مسئله بوتونلی و ۱۰۰ فایز قورغاقچیلیککه سبب بوله‌دی. باشقه مملکت‌لرده چقور قودوق قازیش منع دیر.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، هلمند محلی مسئوللری گه کوره، قورغاقچیلیک دن کوپراق موساقلعه، واشیر، نوزاد و کجکی تومن‌لری تاثیرلنگن. اولر نینگ ایتیشلریچه، قورغاقچیلیک و سوو تنقیص‌لیگی باعث اوشبو تومن‌لردن قریب ۲۰۰۰ عایله لشکرگاه شهری و مملکت نینگ باشقه منطقه‌لری گه کوچگنلر.
هلمند معلومات و مدنیت ریاستی اورین باسری محمدقاسم ریاض نینگ ایتیشیچه: «هلمند نینگ واشیر، نوزاد، موساقلعه و کجکی تومنی نینگ قطار منطقه‌لری کبی شمالی تومن‌لر، کوپراق قورغاقچیلیک دن تاثیرلنگن. قریب ۲۰۰۰ عایله بو تومن‌لردن باشقه منطقه‌لر گه کوچگنلر.»
هلمند معلومات و مدنیت ریاستی اورین باسری گه کوره، اسلام امیرلیگی حاکمیتیدن بیری مذکور ولایت نینگ شمالی ده کیچیک توغان‌لردن بیرقطاری یاپیلیشی گه قوشیمچه، اوز باشیمچه‌لیک چقور قودوق قازیش تقیق‌لنگن.
شو بیلن بیرگه، هلمند معلومات و مدنیت ریاستی اورین باسری، خلق‌ارا همجمعیت و یاردم بیرووچی تشکیلات‌لردن حاضرگی قورغاقچیلیک‌لر گه دقت قیلیش‌لرینی سوره‌یدی.
هلمند شمالی منطقه‌لری اهالیسی، اوشبو ولایت نینگ قطار تومن‌لری قورغاقچیلیک باعث اوی-جای‌لرینی ترک ایتگن بیرحالده، قورغاقچیلیک دن نالیماقده‌لر.
