مملکت بویلب بوتون صراف‌لر فعالیتی توخته‌یشی بیلن، منبع‌لر نینگ سلام‌وطندار گه ایتیشلریچه، اسلامی امارت کوچلری کابل شهزاده سرای ایشیگینی زوردن آچگن‌لر.
شهزاده سرای صراف‌لر اتفاقی سوزلاوچیسی عبدالرحمان زیرک سلام‌وطندار بیلن اوتکزگن صحبتیده، اوشبو خبرنی تصدیقلب ایتیشیچه، مذکور سرای بوگون ایرته‌لب (یک‌شنبه، ۲۵ثور)، اسلامی امارت کوچلری تامانیدن زوردن آچیلگن. اونینگ کوپه‌یتیریشیچه، شهزاده سرای ایشیگی آچیلسه ده، بیراق دکان‌لر یاپیق و صراف‌لر یوق دیر.
بیزلرنینگ فیسبوک صحیفه‌میزگه باش اورینگ!
عین‌حالده، منبع‌لر افغانی پول برابری ده دالر نرخی آشیشیدن خبر بیره‌دیلر. صراف‌لردن بیرقطاری نینگ ایتیشلریچه، بوگون بیر دالر ۹۰ افغانی المشتیریلگن؛ عین‌حالده اوتگن کونی بو رقم ۸۹ افغانی ایدی.
شهزاده سرای صراف‌لر اتفاقی سوزلاوچیسی، افغانی پول برابری ده دالر نرخی قیمت‌لیگینی تصدیقلب ایتیشیچه، صراف‌لر نینگ فعالیتی یوق و دالر نرخی اوز باشیمچه‌لیک شکلده اوزگرماقده.
اوتگن کونی مملکت بویلب صراف‌لر و افغانستان پولی خذمت‌لر اتفاقی، جواز آلیش اوچون اسلامی امارت تامانیدن یره‌تیلگن شرایط قیینچیلیگی باعث، اولکه بوییچه برچه صراف‌لر دکان‌لرینی یاپیب و فعالیت‌‍‌‌‌‌لرینی توخته‌تگنلرینی اعلام قیلدی.
مذکوراتفاق تامانیدن ترقه‌لگن قطع‌نامه ده کیلیشیچه، کوپ سعی و حرکت‌لر بیلن جواز آلیش جریانیده‌گی قیینچیلیک حل بولمه‌گن و اسلامی امارت تامانیدن اوزه‌تیلگن طرح اساسیده، جواز آلیش تقریباً ممکن‌سیز بولگن.
نیچه کون آلدین افغانستان مرکزی بانکی، پولی خذمت‌لر شرکت‌لری و صراف‌لر نینگ جواز آلیش‌لری اوچون ۹ ماده‌لیک شرایط یره‌تگن. اوشبو شرایط گه بناً کتته شهرلر جمله‌دن، کابل، مزار، هرات و قندهار ده جواز آله‌دیگن نینگ قریب ۵۰ میلیون افغانی مالی منبع‌سی بولیشی کیره‌ک.
بیزلرنینگ توییترده هم تعقیب قیلینگ!
باشقه ولایت‌لرده پولی خذمت‌لر و صراف‌لر اوچون ۱۰ میلیون افغانی تعین بولگن.
ینگی شرایط اساسیده، پولی خذمت‌لر و صراف‌لر کفالت اوچون مرکزی بانک ده ۵ میلیون افغانی‌لری بولیشی کیره‌ک و بو مقدار پول جواز فسخ بولگن صورتده قیتیریله‌دی. مرکزی بانک پولی خذمت‌لر و صراف‌لر نینگ جوازینی تمدید قیلیش و قانونی لشتیریش فیس‌نی ۲۰۰ مینگ افغانی تعین قیلگن. مذکور بانک‌که کوره، اوشبو شرکت‌لر نینگ جوازی هر اوچ ییل ده بیر مراتبه تمدید بوله‌دی.