مملکت‌ده یوز بیرگن سیاسی اوزگریش‌لردن کیین، اهالی پارتلش‌لر و هجوم‌لردن آمان قالیب، اولکه بویلب امنیت برقرار ایتیلیشی خصوصیده امید‌وار ایدیلر، بیراق کابل ده یوز بیرگن سونگی پارتلش‌لر یشاوچیلر نی اوز امنیت‌لری خصوصیده خواطرلنتیرگن.
نیچه کون آلدین، دینی مدرسه‌لریدن بیریده یوز بیرگن پارتلشده، اسلامی امارت اعضالریدن اینگ اونملی عضوی رحیم‌الله حقانی هلاک بولگن ایدی. شونینگدیک اوتگن کیچه شام چاغی کابل نینگ ۱۷-خوفسیزلیک حوزه اطرافیده جایلشگن خیرخانه منطقه‌سیده‌گی «صدیقیه» مسجد‌یده یوز بیرگن پارتلشده ۲۱ کیشی هلاک و ۳۳ کیشی ایسه یره‌لنگن.
اوشبو پارتلش نتیجه‌سیده محب‌الله نینگ اقارب‌لریدن ۴ ته‌سی هلاک و یره‌لنگن. اونینگ سلام‌وطندار گه ایتیشیچه، اوشبو واقعه‌ده جینی هلاک و ابه‌سی نی اوغلی، عمه‌سی نی اوغلی و ایناغه‌سی یره‌لنگن.
بیزلرنینگ توییترده هم تعقیب قیلینگ!
شونده‌ی بیرحالده، مذکور پارتلش شاهد‌لریدن قطاری نینگ ایتیش‌لریچه، اوشبو مسجد خطیبی و دین عالم‌لردن بیری مولوی امیرمحمد کابلی بیلن بیر قطار اوقووچیسی هلاک بولگن دیر.
شاهد‌لر نینگ سلام‌وطندار گه ایتیش‌لریچه، مذکور پارتلش نماز اوقیش جریانیده یوز بیرگن. اولر گه کوره، سابق و حاضرگی توزوم‌ده هیچ امنیت نی کورمه‌گلر و دایم بو یول‌ده قربان‌لیک بیرگنلر. اوشبو یشاوچیلر اسلامی امارت‌دن اهالی امنیتی نی تامین‌لنیشی خصوصیده جدی توجه قیلیش‌لری نی سوره‌گنلر.
واقعه شاهد‌لریدن حرمت‌الله نینگ ایتیشیچه: «اوتگن کون شام چاغی بوتون اهالی شام نمازی نی اوقیش اوچون کیتگن ایدی که پارتلش یوز بیردی.»
شونینگدیک نقیب‌الله نینگ ایتیشیچه: «هیچ بیر وضعیت‌ده امنیتی‌میز یوق. نه جمهوریت‌ده و نه امارت‌ده، تینچ‌لیک برقرار بولیشی نی ایسته‌یمیز. آرام‌لیک کیلسین، حیاتی‌میز نی بیله‌یلیک. اهالی‌دن برچه‌سی دایم کون و روزگار نی فکری‌ده دیر.»
عین حالده کابل امنیه قومندانلیگی سوزلاوچیسی خالد زدران نینگ سلام‌وطندار گه ایتیشیچه، اوشبو واقعه نتیجه‌سیده ۲۱ کیشی هلاک و ۳۳ کیشی یره‌لنگن. کابل امنیه قوماندانلیگی سوزلاوچیسی نینگ کوپه‌یتیریشیچه، اسلامی امارت خوفسیزلیک کوچلری تیزلیککه اوشبو «بویوک جنایت» عامل‌لری نینگ تانیب و قانون اساسیده جزالنتیریش اوچون سعی و حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن مذکور پارتلش کوپینچه عکس‌العمل‌لر بیلن روپه‌ره بوگن. اسلامی امارت سوزلاوچیسی ذبیح‌الله مجاهد اوشبو پارتلش نی قاره‌لگن. اسلامی امارت سوزلاوچیسی نینگ کوپه‌یتیریشیچه: «تینچ اهالی نینگ قاتل‌لری و شو رقم جنایت‌لر نینگ عامل‌لری تیزلیککه قولگه آلینیب و جزالنتیریلیش‌لری ممکن.»
شونینگدیک سابق جمهور رئیس حامد کرزی و سابق دولت‌ده ملی مصالحه عالی کنگشی عبدالله عبدالله، اوشبو پارتلش گه قرشی عکس‌العمل کورستیب و اونی قاره‌لگنلر.