اسرائیل ۱۳ کانالی خبر بیریشیچه، سونگی ۲۴ ساعت ایچیده حربی جهاز آرتیلگن امریکانینگ اونلب اوچاغی تلآویو گه قونگن.
الجزیره، بوگون (۲۸ ثور/۱۸ می، دوشنبه) اسرائیل ۱۳ کانالی گه اساسلنیب ایتیشیچه، امریکانینگ اونلب حربی اوچاغی اوتگن بیر کیچه-کوندوز دوامیده جرمنیدهگی پایگاهلریدن اسرائیل گه حربی جهاز یوکلرینی انتقال بیرگن.
معلوماتلر گه کوره، اوشبو حربی یوک آرتیلگن اوچاقلر اسرائیل پایتختی تلآویو گه قونگن. مذکور تشوولر ایران گه قرشی هجوملرنی قیته باشلشگه تیارگرلیکنینگ بیر قسمی ایکنی دیب ایتیلگن.
حاضرگچه امریکا عملدارلری انتقال بیریلگن حربی جهازلر توری یا کی بو پروازلرنینگ انیق مقصدی حقیده بهتفصیل معلومات بیرمهگن.
بوندن آلدین امریکا ییتکرمهلری، بو مملکت جمهور باشلیغی دونالد ترامپ ایران گه قرشی ینه حربی هجوم اویوشتیریش ورینتینی کوریب چیقهیاتگنی حقیده خبر بیرگن ایدیلر.
