بیرلشگن ملتلر تشکیلاتی نینگ انسان حقلری ایش بیلرمان‌لریدن بیر گروهی نینگ ایتیش‌لریچه، اسلامی امارت رهبرلری، عیاللرگه قرشی جنسیتی تبعیض وخشونت نی نهادینه قیله‌دی. اولر عیاللرنینگ اجتماعی و سیاسی فعالیت‌لری خصوصیده یره‌تیلگن قیین چیکلاولرنی «بوتون خاتین قیزلرنی مجازات قیلیش» دیگن.
بو ایش بیلرمانلر بیرلشگن ملتلر تشکیلاتی عالی کمیشنری نینگ انسان حقوقی توغریسده نشر قیلگن گزارشیده، نیچه آی آقیمیده اجتماعی، اقتصادی و سیاسی حرکت‌لردن عیاللرنی محروم قیلیش اوچون قیلینه‌دیگن سعی و حرکت‌لردن خواطر بیلدیرگن.
بو گزارشده، عیاللرنینگ ایش‌حقی، اورگه‌نیش حقی، اویدن شرعی محرم‌سیز چیقمس‌لیکلری و اولرنینگ کییم کییش‌لری توغریسیده وضع ایتلیگن چیکلاولر، عیاللر برابریده‌گی زوروانلیک و محرومیت‌لردن دییلگن.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی نینگ ایش بیلرمان‌لری تأکید قیلگن که، بو چیکلاولر یره‌تیلیشی، عیاللرنینگ ایشلش و حیات خره‌جتینی تامین قیلیش‌گه تاثیر قیلیب و اینیقسه عایله‌لرنی خره‌جتی نی تأمین قیله‌دیگن عیاللرنی، یوقسیل‌لیک و قشاق‌لیک تامان آلیب باره‌دی.
اولرنینگ ایتیشیچه، انسان حقوقیدن مدافعه قیلووچیلر، قاضی، سارنوال، مدنی جماعه‌چیلیک اعضالری، سابق پولیس کوچلری صفیده بولگن عیاللر کوپراق تهدید آستیده دیر و شونینگدیک زوروانلیک و خطر بولگن یوزمه‌یوز بولگن خبرچی عیاللردن قطاری مملکت نی ترک قیلیش گه زورلنگن.
شونینگدیک اوشبو گزارشده، عیاللردن حمایت قیلوووچی نهادلر و قربان بولگن عیاللرنی حقوقیدن مدافعه قیله‌دیگن نهادلرنینگ باغلنگنیدن خواطر بیلدیریلگن.
بیرلشگن ملتلر تشکیلاتی نینگ انسان حقوقی ایش بیلرمان‌لری، افغانستان قشاق یشاوچیلری گه انسان‌سیورلیک یاردم‌لرنی فراهم قیلیش و افغانستان ده حیات کیچره‌دیگن قومی اقلیت‌لر و اینیقسه خاتین-قیزلرگه بیرلشگن ملتلر تشکیلاتی تامانیدن یاردم ایتیلیشی نی سوره‌گن. شونینگدیک اولر عیاللرگه قرشی زوروانلیک قیلگن کیشیلر محکمه گه تارتیلیب و خاتین-قیزلرگه قرشی یره‌تیلگن چیکلاولر اورته‌دن کوتاریلیشی اوچون اسلامی امارت رسمی‌لریگه باسیم کیلتیریش نی سوره‌گن.
اسلامی امارت رسمی‌لری حاضرگه قدر بو توغریده هیچ بیر نرسه دیمه‌گن، بیراق اولر هردایم تاکید قیلگن که خاتین قیزلرگه قرشی هیچ قنده‌ی چیکلاو یره‌تیلمه‌گن وعیاللرگه ایش و تعلیم زمینه‌سی توغریسیده شریعت چارچوبه‌سی اساسیده متعهد ایکن‌لیکلرینی ایتگن.
بیزلرنینگ توییترده هم تعقیب قیلینگ!
