بیرلشگن ملت‌لر تشکیلاتی نینگ باله‌لردن حمایت قیلووچی صندوقی یا-ده یونیسف نینگ اعلام قیلیشیچه، بریتانیا نینگ مالی حمایتی بیلن، دایکندی ولایتی‌ده ۶۰۰۰دن آرتیق عایله گه تیز نقدی یاردم ترقه‌تیلگن.
یونیسف بوگون توییتر صحیفه‌سیده یازگن که، اوشبو یاردم‌لر حامله عیاللر نینگ ساغلیک خذمت‌لر گه قول تاپیش‌لری اوچون کسلخانه‌لرده‌گی ترقه‌تیلگن.
بیزلرنینگ فیسبوک صحیفه‌میزگه باش اورینگ!
یونیسف گه کوره، عیاللر گه اوشبو یاردم‌لر بیریلیشیدن مقصد، کسلخانه‌ده توغیش، توغیش‌دن آلدین و توغیش‌دن کیین مراقبت‌لرگه قول تاپیش و فرزندلری واکسین بولیشی اوچون مالیه‌وی قیینچیلیکلرینی حل قیلیش دیر.
شونده‌ی بیرحالده، بوندن آلدین بیرلشگن ملت‌لر تشکیلاتی نینگ جمعیت صندوقی، افغانستان آسیا‌ده آنه‌لر اولیمی میزانی کوپ بولگن مملکت‌لردن بیری دیب اعلام قیلگن ایدی. اوشبو نهادگه کوره، هر ایکی ساعت‌ده بیر عیال حامله‌لیک قیینچلیک‌لری باعث جان بیره‌دی.
بیزلرنینگ توییترده هم تعقیب قیلینگ!
بیرلشگن ملت‌لر تشکیلاتی نینگ جمعیت صندوقی، افغانستان‌ده هر ۱۰۰مینگ توغیلیش‌ده ۶۳۸ آنه جان بیره‌دی که آسیا و اقیانوسیه‌‌ده آنه‌لر اولیمی میزانی کوپه‌یگن مملکت‌لردن بولگنی نی ایتگن ایدی.
مذکور نهاد، افغانستان‌ده آنه‌لر نینگ ساغلیگی گه دقت قیلینمه‌ی و وقتیده یاردم کورسه‌تیلمه‌گن تقدیرده، اولر نینگ وضعیتی آغیرلشیدن آگاه‌لنتیرگن ایدی.