آلتینچی صنف‌دن یوقاری قیز اوقووچیلری گه مکتب باریش اجازه‌سی بیریلمسلیگی اوچون اسلامی امارت نینگ قراری خصوصیده عکس‌العمل‌لر دوامیده، افغانستانده بیرلشگن ملت‌لر تشکیلاتی نینگ اورین باسرلیک هیأت دفتری یا یوناما، بوگون اوز توییتری‌ده، اسلامی امارت ییر یوزیده قیزلر نینگ تعلیمی گه توسیق بولگن یگانه رژیم دیه یازگن.
بیزلرنینگ فیسبوک صحیفه‌میزگه باش اورینگ!
اسلامی امارت تامانیدن آلتینچی صنف قیزاوقووچیلری گه مکتب باریش رخصتی بیریلمسلیگیدن، ۲۰۰ کون اوتماقده. بی‌بی‌سی خلق‌ارا خبرچیسی یلدا حکیم توییتری‌ده قیزلر نینگ تعلیمی گه توسیق بولیش کونلرینی سنه‌گن. بانو حکیم بوگون توییتری‌ده، افغانستان دنیا بویلب قیزلر نینگ تعلیم‌دن محروم قیلگن یگانه مملکت دیر دیه یازگن.
Shocking!
Only one regime on the planet denies girls an education. https://t.co/s1sX8oOSPd
— UNAMA News (@UNAMAnews) April 5, 2022
شونینگدیک یوناما، یلدا حکیم نینگ تویتیدن کیین، اسلامی امارت نینگ بو ایشینی «حیرتلی» عنوان قیلگن. بیرلشگن ملت‌لر تشکیلاتی اوشبو توییتی بیلن، قیزلر نینگ تعلیمی برابریده اسلامی امارت نینگ سونگی قراری گه قرشی قتیق عکس العمل کورستگن.
بیزلرنینگ توییترده هم تعقیب قیلینگ!
ایتیش کیره‌ک که، اسلامی امارت حاکمیت گه ایریشیدن کیین، آلتینچی صنف‌دن یوقاری قیز اوقووچیلری گه مکتب باریش اجازه‌سی بیریلمه‌گن. اسلامی امارت معارف وزیرلیگی، مملکت بویلب ۳ حمل‌ده برچه قیز و اوغیل اوقووچیلری نینگ بوتون مکتب‌لری آچیلیشیدن خبر بیرگن ایدی؛ بیراق مذکور وزیرلیک اوشه کونده آلگن قرارینی کیینگی امرگچه توخته‌تدی.
