بیرلشگن ملت‌لر تشکیلاتی نینگ انسان دوستلیک یاردم‌لرینی اویغونلیک قیله‌دیگن دفتر یا-ده اوچا بیر اعلامیه ترقه‌تیب ایتیشیچه، مذکور تشکیلات افغانستان گه یاردم توپلش اوچون ۲۱- جدی جاری هفته نینگ سه‌شنبه کونی بیر ییغین یولگه قوییش گه قرار آلگن.
اعلامیه‌ده کیلیشیچه، انسان دوستلیک ایشلری بوییچه بیرلشگن ملت‌لر تشکیلاتی باش کاتبی نینگ اورین‌باسری مارتین گریفیتس و باش پناه ایزلاوچیلر ایشلری بوییچه اوشبو تشکیلات نینگ عالی کمیشنری فیلیپو گراندی، اوشبو ییغینده ۲۰۲۲- ییل اوچون یاردم ایسته‌شلرینی اعلام قیلیش‌لری ممکن.
بیزلرنینگ فیسبوک صحیفه‌میزگه باش اورینگ!
اوچا نینگ اعلامیه‌سیده ایتیلیشیچه، افغانستان جمعیتیدن یریمیدن آرتیغی نی انسان دوستلیک یاردملر گه احتیاج‌لری بار و سونگی ییل‌لرده مذکور فاجعه افغانستان یشاوچی‌لریدن قطاری نینگ مهاجر بولیش اوچون زورلنتیریشی ممکن.
بیرلشگن ملت‌لر تشکیلاتی ایتگن که اوشبو ییغین اداغیده شرکت قیلگن مملکت‌لر نینگ کوپینچه یاردملر خصوصیده سوز بیریش‌لری گه امیدوار دیر. افغانستان ده اسلامی امارت قدرت گه ایریشگنی بیلن مملکت سرمایه‌لری باغلنگنی و تشقی یاردملر کیسیلگنی اوشبو مملکتده انسانی فاجعه گه سبب بولگن.