بیرلشگن ملت‌لر تشکیلاتی نینگ مستقل ایش بیلرمان‌لردن قطاری بیر بیانیه آرقه‌لی ایتیش‌لریچه، اسلامی امارت و آمریکا، افغانستانده عیاللر وضعیتی یامانله‌نیشی گه مسئول دیر. بیانیه‌ده کیلگن که، اسلامی امارت نینگ جنسیت گه بناً زوروانلیگی و آمریکا افغانستان سرمایه‌لرینی توسیش بیلن، اوشبو مملکتده‌گی عیاللر وضعیتینی آغیرلشتیرگن.
اوتگن کون بیرلشگن ملت‌لر تشکیلاتی انسان حقوقی بوییچه مستقل ایش‌بیرلرمان‌لری نینگ ۱۴ کیشی‌لیک گروهی تامانیدن ترقه‌تیلگن مذکور بیانیه‌ده کیلگن که، اسلامی امارت نینگ افغانستان خاتین قیزلری برابریده جنسیت اساسیده‌گی زوروان‌لیکلری، جدی و اوزین مدت‌لی تهدید دیر و بو وضعیت آمریکا قوشمه ایالت‌لری تامانیدن یره‌تیلگن تدبیرلری باعث کوچه‌یگن.
بیزلرنینگ فیسبوک صحیفه‌میزگه باش اورینگ!
بیانیه‌ده کوپه‌یتیریلیشیچه، حاضرگی بحرانلی وضعیت یریم جمعیتیدن آرتیغی انسان پرورلیک یاردم‌‌لر گه محتاج بولگن بیرحالده، بیر مملکت نینگ خاتین قیزلری و باله‌لری اوستیگه سلبی تاثیر قیلگن.
افغانستان وضعیتی نی تیکشیریش مقصدیده بیرلشگن ملت‌لر تشکیلاتی نینگ بشر حقوقی کینگشی تامانیدن تعینلنگن مستقل ایش بیلرمان‌لر، آمریکا نینگ افغانستان مرکزی بانکی نینگ سرمایه‌لرینی موزله‌تیش قراری‌دن تنقید قیلگنلر. اسلامی امارت نینگ عیاللر برابریده‌گی تبعیضلی یانده‌شوولری، افغانستان بویلب خاتین قیزلر حقوقی وضعیتی نی آغیرلشتیرگن.
شونینگدیک بیانیه‌ده، خلق‌ارا انسان حقوقی قانونی اساسیده، آمریکا شامل بوتون مملکت‌لر نینگ مسئولیتی دیر که اولر نینگ اقدام‌لری انسان حقوقی نقضی ایتیلشی گه سبب بولمسلیگی کیره‌ک دیب تأکید ایتیلگن.
بیرلشگن ملت‌لر تشکیلاتی، آمریکا قوشمه ایالت‌لری شامل دنیا بویلب قطار مملکت‌لر، اسلامی امارت تامانیدن خاتین قیزلر نینگ حقوقی نقض ایتیلیشی و اولرنی تعلیم و ایش‌دن محروم قیلیش قرارینی قاره له‌گنلر.
بیزلرنینگ توییترده هم تعقیب قیلینگ!
اسلامی امارت قدرت گه ایریشگنیدن کیین، افغانستان نینگ آمریکا بانک‌لریده‌گی ۷ میلیارد دالری اوشبو مملکت تامانیدن موزله تیلدی. آمریکا جمهور باشلیغی جوبایدن نینگ فبروری آیی‌ده صادر ایتگن فرمانی اساسیده، اوشبو ۷ میلیارد پول نینگ یریمی افغانستان خلقی گه یاردم بیریش اوچون اختصاص بیریلدی. و قالگنی ایسه ۱۱ سپتامبر قربان‌لری نینگ عایله‌لری گه تاوان اوله‌راق توللش گه قرار قیلیندی.
مذکور بیانیه‌ده تاکید بولگن که، خلق‌ارا انسان دوستلیک حقوقی اساسیده آمریکا شامل دولت‌لر نینگ فعالیت‌لری انسان دوستلیک خطاسی گه سبب بولمه‌یشی اوچون مکلف دیر.
مذکور ایش بیلرمان‌لر نینگ ایتیش‌لریچه، بوتوغریده‌گی خواطرلری و تکلیف‌لرینی واشنگن بیلن شریک قیلگنلر، بیراق حاضرگچه هیچ قنده‌ی جواب قیتیریلمه‌گن.
