ترکیه مملکتی انسان‌سیورلیک یاردم‌لری آقمیده بوگون افغانستان یتیم‌خانه‌لری اوچون ۱۵۰۰ بسته ییگولیک ماده و ۷۵۰ تخته قالین‌نی اسلامی امارت اجتماعی ایش‌لر وزیرلیگی نینگ مسئوللریگه تاپشیرگن.
ترکیه مملکتی یاردم‌لری نینگ تسلیم آلیش مناسبتی اوچون یولگه قوییلگن ییغینده مذکور مملکت ایلچیسی جیهاز اورگنایز نینگ ایتیشیچه، ترکیه تورلی بولیم‌لرگه افغانستان یشاوچیلریگه یاردم بیره‌دی، او نینگ کوپه‌یتیریشیچه بو کبی یاردملر نینگ کیله‌جک‌لرده هم دوام ایتیشی ممکن.
بیزلرنینگ فیسبوک صحیفه‌میزگه باش اورینگ!
عین‌حالده، افغانستان عمومی یتیم‌خانه‌لری نینگ باشلیغی فیضان احمد کاکر نینگ ایتیشیچه، حاضر افغانستانده ۶۸ یتیم‌خانه فعال دیر که مذکو یتیم‌خانه‌لرگه ۷۵۰۰ ییتیم باله سقلَنه‌دی.
اونینگ کوپه‌یتیریشیچه: «حاضر افغانستانده ۶۸ ییتیم‌خانه موجود، جمله‌دن ۲۸ یتیم‌خانه دولتی و باشقه ۴۰ یتیم‌خانه هم خصوصی دیر.»
شونده‌ی بیرحالده، اجتماعی ایش‌لر وزیرلیگی نینگ وقتینچه‌لیک قارالاوچیسی ملا عبدالولی، اوشبو یاردملر دوام ایتیشی اوستیگه تأکید قیلیب ایتیشیچه، افغانستان یشاوچیلری نینگ بو کبی انسان‌سیورلیک یاردلرگه احتیاجی بار.
اونگه کوره: «ترکیه مملکتی هر شرایطده افغانستان یشاوچیلریگه یاردم بیرگن. افغانستان یشاوچیلری ۲۰ ییل اوروش جریانیده کوپینچه زیان کورگن و بو مملکت نینگ رواجلنتیریش پروژه‌لرگه احتیاجی بار، بیز اوشبو یاردملر دوام ایتیشینی سوره‌یمیز.»
بیزلرنینگ توییترده هم تعقیب قیلینگ!
اسلامی امارت افغانستانده حاکم بولگن‌دن کیین بو بیرینچی مراتبه دیرکه ترکیه مملکتی افغانستان یتیم‌خانه‌لرگه انسان‌سیورلیک یاردم بیره‌دی.
ایتیش کیره‌ک دیرکه مملکت‌ده یوز بیرگن سونگی اوزگریش‌لردن کیین افغانستانده بشری وضعیت و خصوصاً باله‌لر توغریسیده خواطرلر کوپه‌یگن و خلق‌ارا تشکیلات‌لر نیچه مراتبه کمبغل‌لیک و قشاق‌لیک سبب باله‌لر تعلیم آلیشدن بهره‌سیز قالگنلری خصوصویده خواطر بیلدیرگنلر.
