امریکا جمهور باشلیغی دونالد ترامپ، واشینگتن و تهران آرهسیده «یخشی مذاکرهلر» آلیب باریلماقده و کیلیشووگه ایریشیش احتمالی بارلیگینی بیان قیلیب، بیراق بو مذاکرهلر نتیجه بیرمهگنی صورتده، امریکا آرقهلی ایران گه قرشی حربی هجوملرنینگ قیته باشلنیشیدن آگاهلنتیرگن.
رویترز آژانسینینگ بوگون (۶-اسد/ ۲۶-جولای، سهشنبه)، گزارش بیریشیچه، ترامپ مذاکرهلر جریانیگه نسبت خورسندلیگینی بیلدیریب، مذاکرهلر موفقیتسیزلیگینینگ حربی عملیاتگه قیتیش معناسیگه بولیشی توغریسیده تاکید قیلگن.
اونینگ ایتیشیچه: «مذاکرهلریمیز یخشی دیر. ایجابی بیر واقعه یوز بیریشی اوچون یخشی بیر احتمال بارلیگیگه توشینهمن. بو رقم بولگنیده جودهیم یخشی دیر؛ لیکن بولمسه، ایکی کون آلدین عملگه آشیرگنیمیز ایشگه قیتهمیز.»
باشقه بیرتاماندن، ایران تشقی ایشلر وزیرلیگی سوزلاوچیسی اسماعیل بقایینینگ اعلام قیلیشیچه، واسطهچیلر آرقهلی تهران و واشینگتن آرهسیده پیغام المشتیریلیشی دوام قیلیب و ایران دیپلماسینی چیتگه قویمهگن.
واشینگتن، شنبه کونی توستدن ایران گه قرشی ایکی هفتهلیک هوا هجوملری کمپاینینی توختهتدی.
امریکا هجوملری توختهتیلگنیدن کیین، شونینگدیک ایران خلیج فارس مملکتلری و منطقهده امریکا پایگاهلریگه قرشی هجوملرینینگ توختهتگنینی معلوم قیلدی.
