بوگون حکومت نینگ اطلاعات و ییتکرمه‌لر مرکزی‌ده، ترانسپورت و هوا یوللری وزیرلیگی مسئوللری، هرات نینگ گذره تومنی‌ده یولاوچی تاشووچی موترلر ترمینالی قوریلیشی، فاریاب ده آقینه نینگ تیرپارک بندری قیته قوریلیشی و کابل نینگ خلق‌ارا هوا قونالغهسیده پارکینگ و کوتیش مکانی قوریلیش بیتیمی‌نی، اوچ ایچکی خصوصی شرکت بیلن امضالگنلر.
ترانسپورت و هوا یوللری وزیرلیگی سرپرستی حمید‌الله آخوندزاده، بو لایحه‌لر خره‌جتی نی ۲ میلیارد ۲۴۰ میلیون افغانی دیب و ایتیشیچه، مذکور لایحه‌لر نینگ عمل گه آشیریلیشی بیلن، ۲ مینگ‌دن آرتیق کیشی گه ایش زمینه‌سی یره‌تیلیشی ممکن. بیراق آخوندزاده بو لایحه‌لر نینگ عملی ایشی قچان باشلنیشی خصوصیده هیچ نرسه دیمه‌گن.
بیزلرنینگ فیسبوک صحیفه‌میزگه باش اورینگ!
ترانسپورت و هوا یوللری وزیرلیگی سرپرستی نینگ کوپه‌یتیریشیچه: «هرات نینگ گذره ترمینلی قوریلیشی قریب ۲ میلیارد افغانی خره‌جت کوتاریب و اوچ ییل وقت آله‌دی، فاریاب ولایتی آقینه بندری نینگ قوریش ایشی ۹۰ میلیون افغانی خره‌جت کوتاره‌دی و شونینگدیک کابل نینگ هوا قونالغهسیده ینگی کوتیش مکانی قوریلیشی ایسه بیر یریم ییل وقت آلیب و ۳۵۰ میلیون افغانی خره‌جت کوتاره‌دی.»
جناب آخوندزاده گه کوره، اوتگن ایکی ییل‌ده خصوصی سکتور ۲۳ کیچیک و بویوک لایحه‌ده مشارکتی بار ایکن.
بیزلرنینگ «ایکس» ترماغی ده هم تعقیب قیلینگ!
شونینگدیک ترانسپورت و هوا یوللری وزیرلیگی نینگ تدقیقاتی ریجه و لایحه‌لرنی عملگه آشیریش باشلیغی رستم حفیظ‌یار نینگ ایتیشیچه، کوپینچه آسایشته‌لیک‌لر نی یره‌تیش و شهری گوجوم‌لیک کمه‌یشی مقصد، مذکور وزیرلیک کیله‌سی قویاش ییل، کابل نینگ تورت زونی‌ده ۴ ینگی ترمینال ایجاد قیلینیشی ممکن. «حاضر ایسه، ترانسپورت و هوا یوللری وزیرلیگی کابل نینگ تورت زونی‌ده ۴ قطعه ییر‌ده، هر بیری گه بیر مینگ جریب ییر نظر گه آلینگن که ترمینال قوریلسه؛ اونینگ طرحی بیتگن و کیله‌سی قوره‌میز و بو شهر‌ده ۵۰ فایز گوجوم‌لیک نینگ کمه‌یشی گه سبب بوله‌دی.»
ترانسپورت و هوا یوللری وزیرلیگی مسئوللری نینگ کوپه‌یتیریشلریچه، جاری قویاش ییل‌ده هوایی و زمینی سکتور‌ده قوریش توزه‌تیش ۴۶ لایحه ایش آستیده بولیب و اولردن ۵۰ فایزی نینگ ایشی تکمیل بولگن دیر.
