بامیان ده محلی منبع‌لر نینگ تصدیق‌لب ایتیش‌لریچه، بوگون توش‌دن آلدین پروان ولایتی‌دن بامیان تامان حرکت قیلگن سیاحتچیلر نینگ موتری، بامیان شهری نینگ مرکزی اطرافیده «شش پُل» ناحیه‌سیده حادثه قیلگن.
بامیان ولایتی کسل‌خانه‌سیده بیر منبع کیم‌لیگی سِر قالیش نی ایسته‌ب سلام‌وطندار گه ایتیشیچه، اوشبو ترافیکی حادثه‌ده کمیده ایکی سیاحت‌چی هلاک و ۴ سیاحت‌چی ایسه یره‌لنگن.
بیزلرنینگ توییترده هم تعقیب قیلینگ!
منبع گه کوره، اوشبو حادثه‌ده یره‌لنگنلردن ۱ جسد و ۴ یره‌دار ولایتی کسل‌خانه گه انتقال بیریلگن و ۱ جسد بیلن یره‌دالردن باشقه بیر قطاری بامیان شهری نینگ خصوصی کسل‌خانه‌سی گه انتقال بیریلگن.
بامیان محلی مسئوللری حاضرگچه اوشبو حادثه خصوصیده هیچ بیر نرسه دیمه‌گنلر. لیکن اوشبو ولایت‌ده محلی منبع‌لر نینگ ایتیش‌لریچه، قربان هییت کونلریده بامیان ده سیاحتچیلر نینگ کوپلیگی سبب، مذکور ولایت‌ده ترافیکی حادثه‌لر کوپه‌یگن دیر.
