اوتگن کون دوشنبه، ۱۹ جدی، اسلام امیرلیگی باش وزیرلیگی نینگ اقتصادی اورین باسرلیک دفتری گه کوره، تیلنچی‌لرنی ییغیش کمیته، کابل شهری بویلب ۲۴ مینگ ۲۷۶ محتاج کیشینی ییققن، اولر ارا ۱۱ مینگی عیال و ۹ مینگ دن آرتیغی باله‌لر دیر.
باش وزیرلیک اقتصادی اورین باسرلیگی نینگ کوپه‌یتیریشیچه، مذکور محتاج کیشی‌لر یاردم اوچون افغان قیزیل آی جمعیتی گه معرفی بوله‌دیلر.
کابل ده‌گی تیلنچی‌لردن مروه گه کوره، تورموش اورتاغی معتاد دیر و اوزی عایله‌سی نینگ سرپرست‌لیک قیله‌دی. اونینگ کوپه‌یتیریشیچه، نیچه مراتبه افغان قیزیل آی جمعیتی تامانیدن بایومتریک بولگن، لیکن حاضرگچه یاردم بیریلمه‌گن.
بیزلرنینگ فیسبوک صحیفه‌میزگه باش اورینگ!
مروه نینگ ایتیشیچه: «نیچه مراتبه بیزنی سرک‌لردن ییغیب و بایومتریک قیلدیلر، اوچ آی دن بویان یاردم بیریلیشنی کوتماقده میز؛ بیراق یاردم بیریلمه‌گن.»
کابل ده تیلنچی‌لردن باشقه بیری غلام، که تورت فرزندی بار و اجاره اوی ده تیریکچلیک قیلماقده ایتیشیچه، افغان قیزیل آی جمعیتی تامانیدن بایومتریک بولسه ده، اما حاضرگچه اولر گه یاردم بیریلمه‌گن.
اونینگ کوپه‌یتیریشیچه: «امنیتی کوچلر کیلیب و بیزنی سرک‌لردن ییغه‌دیلر، قیزیل آی جمعیتی بایومتریک قیلیب و یاردم بیریشینی ایته‌دی؛ بیراق نیچه آی اوتیشی بیلن حاضرگچه اولر گه یاردم بیریلمه‌گن، تیلنچی‌لیک قیلمسک عایله اعضالریمیز تلف بوله‌دی.»
شو بیلن بیرگه، افغان قیزیل آی جمعیتی دفتر مسئوللری نینگ ایتیشلریچه، کابل ده تیلنچی‌لر ارا ۱۴ مینگی حرفه‌ای دیر، شونی اوچون اولر گه معاش بیریلمه‌یدی.
بیزلرنینگ توییترده هم تعقیب قیلینگ!
مذکور دفتر سوزلاوچیسی عرفان‌الله شرف‌زوی نینگ سلام‌وطندار گه ایتیشیچه: «حاضرگچه ۲۴ مینگ تیلنچی سرک‌لردن ییغیلگن و بیز ۳ مینگ دن آرتیغی گه آلتی میلیون افغانی یاردم بیرگن‌میز و بو جریان دوام ایتماقده دیر.»
ایتیش کیره‌ک که، تیلنچی‌لرنی ییغیش برنامه آلتی آی آلدین باشلنگن ایدی، بیراق اوشبو برنامه ییترلیچه نتیجه بیرمه‌گن و حاضر هم کابل شهری ده‌گی تیلنچی‌لردن قطاری، تورلی بهانه‌لر سبب باشقه‌لردن تیلنچی‌لیک قیله‌دی.