پاکستان میدیالری نینگ معلوماتی اساسیده، اوتگن کون (سه‌شنبه، ۲۲ سنبله) مذکور مملکت نینگ خیبرپشتون‌خواه ایالتی «کُرم» تومنیده قوراللی هجوم عاقبتیده پاکستان‌لیک اوچ حربی هلاک بولگن.
میدیالر پاکستان ارتشی دن نقل قیلیب ایتیشلریچه، اوشبو هجوم افغانستان تامانیدن اویوشتیریلگن.
بیزلرنینگ فیسبوک صحیفه‌میزگه باش اورینگ!
عین‌حالده، پاکستان‌لیک طالبلر تحریکی (تی‌تی‌پی) مذکور هجوم مسئولیتینی اوز زمه‌سیگه آلیب و اوشبو مملکت نینگ «کُرمِ خرلاچی» منطقه‌سیده پاکستان‌لیک اوچ حربی اولگنینی معلوم قیلگنلر.
باشقه تاماندن، پاکستان تشقی ایشلر وزیری بلاول بتو زرداری و اوشبو مملکت ایچکی ایشلر وزیری رانا ثناالله، مذکور هجوم‌نی قاره‌لب و افغانستان سرپرست حکومتیدن، دیورند چیزیغی اطرافیده ترورچی گروه‌لر نینگ حضوری و فعالیتیگه توسیق بولیشینی طلب قیلگنلر.
اسلامی امارت، پاکستان رسمی‌لری نینگ بیاناتی گه مناسبت بیلدیریشمه‌گن؛ بیراق بوندن آلدین بو گَل عیبلاولرنی رد قیلگن.
بیزلرنینگ توییترده هم تعقیب قیلینگ!
ایتیش کیره‌ک که بوندن آلدین، پاکستان نیچه مراتبه افغانستان نی پاکستان‌لیک طالبلر تحریکی گه پناه بیریش گه عیبلب و اسلامی امارت دن بونده‌ی ایشلردن قول تارتیشینی سوره‌گن.
