بغلان محلی منبع‌لری نینگ سلام‌وطندارگه ایتیش‌لریچه، اوتگن کیچه اوشبو ولایت نینگ خوست تومنیده طالبان کمین‌نی سبب، پلچرخی قماقخانه‌سی نینگ تعلیم و تربیه ریاستی باشلیغی غلام‌محی‌الدین پیکان حیدری و مردمی کوچلر باشقه ایکی قومندانی هلاک ایتیلگنلر.
منبع گه کوره، اوشبو واقعه خوست تومنی نینگ «پوزه ریگ» منطقه‌سیده یوز بیرگن و پلچرخی قماقخانه‌سی نینگ تعلیم و تربیه بولیمی باشلیغی باشقه اونلرچه کیشی بیلن قورال آلیب قیشلاق‌لری نینگ خوفسیزلیگی‌نی تامین‌لش اوچون طالبان‌گه قرشی اوریشه‌ریکنلر.
منبع نینگ کوپه‌یتیریشیچه، بو واقعه‌ده مردمی کوچلردن ایکی ته‌سی یره‌لنیب و طالبان جنگریلریدن ۴ ته‌سی هلاک ایتیلگن.
غلام‌محی‌الدین پیکان حیدری خوست تومنی نینگ یاش کدرلریدن ایکن. او، بغلان ولایتی کینگش باشلغی، بغلان معارف ریاستی باشلغی، فاریاب معارف ریاستی باشلیغی، معارف وزیرلیگی مصلحتچی‌سی و مملکت قماقخانه‌لری نینگ تعلیم و تربیه ریاستی باشلیغی صفتیده فعالیت قیلگن.
بغلان ولایتی نینگ خوست تومنی بیرهفته آلدین طالبان قولی‌گه سقوط قیلگن ایدی، لیکن ۸ سرطان ده ملی مدافعه وزیرلیگی اوشبو تومن‌نی طالبان وجودیدن تازلنگنیدن خبر بیرگن ایدی.
