آذربایجان پایتختی باکو شهریده، بیرلشگن ملتلر تشکیلاتی تامانیدن، خلقارا شهرلیک اون اوچینچی ییغیلیشی اوتکزیلهدی.
معلوماتلر گه کوره، اوشبو ییغیلیش بوگون (۲۷ ثور/۱۷ می، یکشنبه) باشلنهدی و ۲۲ می گچه دوام تاپیشی کوتیلهدی.
افغانستان نمایندهلیگیدن، یشش محیط عمومی اداره باشلیغی مطیعالحق خالص باشچیلیگیده هیئت، اوشبو ییغیلیشده اشتراک ایتهدی.
فورم، شهرلرنی برقرار رواجلنتیریش، ارزان اوی-جای بیلن تأمینلش، شهر محیطی صفتینی آشیریش، اقلیم برقرارلیگی و اوی-جاینی مالیهلشتیریش میکانیزملرینی تکاملشتیریش مسئلهلریگه بغیشلنگن.
خلقارا شهرلیک فورمی دنیانینگ مهم شهرلیک و ایکولوژیک ییغیلیشلریدن بیری حسابلنهدی. اونده تورلی دولتلر وکیللری، وزیرلر، شهر حاکملری، خلقارا تشکیلاتلرنینگ وکیللری، اقلیم اوزگریشی متخصصلری همده شهرلرنی رواجلنتیریش گه تعلقلی ادارهلرنینگ وکیللری اشتراک ایتهدی.
