افغانستان جمهور رئیسی محمداشرف غنی و هیات باشقه اعضالری اوتگن کونی شام چاغیده، آمریکا جمهور رئیسی جو بایدن بیلن اوچره‌شگن.
جو بایدن اوشبو اوچره‌شووده آمریکالیک حربی‌لرنی افغانستاندن چیقیشی اوستیگه تاکید قیلگن، بیراق اوشبو مملکت یاردم‌لری دوام قیلیشی‌نی بیلدیرگن.
بایدن نینگ ایتیشیچه، اوز مملکتی افغانستان امنیتی و دفاعی کوچلریدن حمایت قیلش‌گه دوام بیره‌دی. او، افغانستان رهبرلری آره‌سیده بیردم‌لیک ایجاد ایتیلیشی‌گه اشاره قیلیب و اولرنینگ اوز کیله‌جک‌لری خصوصیده قرار قیلیش‌لری کیره‌ک دیگن.
عین‌حالده، جمهور رئیس غنی، آمریکا جمهور رئیسی بیلن اوچره‌شوویدن سونگ، خبری بیر ییغین اوتکزیب ایتیشیچه، طالبان و حامی‌لری زور و حربی یول بیلن قدرت‌گه قول تاپه آلمه‌یدی.
او، طالبان گروهی دن آتیش‌کیسین‌نی قبول قیلیب و سیاسی بیر جریان‌گه کیریشی‌نی سوره‌گن.
عین‌حالده، سیاسی ایش بیلرمان‌لردن بیرقطاری نینگ ایتیش‌لریچه، آمریکا قوشمه ایالاتی اوشبو اوچره‌شووده مالی حمایت دوام تاپیشی‌گه تاکید قیلگن، لیکن افغانستانده اوروش توخته‌تیلیشیدن ایشانچ بیرمه‌گن.
سیاسی ایش بیلرمان‌لردن بیری رحمت‌الله بیژن پور نینگ ایتیشیچه، مالی حمایت اوروش توخته‌تیلیشی معناسیگه ایمس و حاضرگی حکومت سقله‌نیشی خصوصیده هم تاکید قیلینمه‌گن.
سیاسی ایش بیلرمان‌لردن باشقه بیری موسا فریور نینگ اوشبو سفرنی قدرت حربی یول آرقه‌لی انتقال تاپیشی‌نی محال عنوان قیلیب ایتیشیچه، آمریکا سوزلشوولر دوام تاپیشی‌گه دعوت قیلیش بیلن افغانستانده ۹۰- دهه تکرار بولیشی‌نی ایستمه‌یدی.
بیراق، جمهورلیک ریاستی سوزلاوچیسی نینگ اورین باسری محمد امیری بو سفرنی اونملی عنوان قیلیب و همکارلیک‌لر دوام قیلیشی و چیت‌ایللیک کوچلرنی افغانستاندن چیقگنیدن سونگ، رابطه‌لر ینگی فصلی چارچوبه‌سی خصوصیده بحث ایتیلگن دیدی.
مملکتده اوروش شدت‌لنگی و کوپ‌قطار تومن‌لر طالبان قولی‌گه سقوط قیلگن بیرحالده، مملکت جمهور رئیسی محمداشرف غنی بیر هیات باشلیغی‌ده آمریگا گه باریب اوشبو مملکت رسمی‌لری بیلن اوچره‌شگن.
