آمریکا تشقی ایشلر وزیرلیگی جسور عیاللرنینگ افتخاری ساورینی نی ۷ افغانستانلیک عیال گه بیریش خصوصیده قرار قیلگن. انسان حقلری سابق ایشلاوچیسی فاطمه خلیل، ملی خوفسیزلیک ریاست جندر بولیمی سابق رئیسی جنرال شرمیلا فروغ، میدان وردک و بامیان ده وظیفه اوتکزگن قابله مریم نورزاد، غزنی ولایت پولیسی نینگ سابق افسری فاطمه رجبی، قماقخانهلر ایشلر ادارهسی نینگ سابق افسری فرشته، ننگرهار ده اوچ آی آلدین جان بیرگن انعکاس خصوصی تلویزیونی نینگ سابق خبرچسی ملالی میوند و عیاللر حقوقی نینگ سابق فعالی فرشته کوهستانی عالم دن اوتگن عیاللر دیر کیم بو ساورین اولرگه بیریلیشی خصوصیده قرار قیلینگن.
مذکور عیاللر میلادی ۲۰۲۰- ییل ده افغانستان ده ریجهلنگن هجوملر عاقبتیده جان بیرگن.
افغان عیاللر یانیده باشقه ۱۴ عیال بلاروس، میانمار، کامرون، چین، کولمبیا، کانگو دموکراتیک جمهوریتی، گواتیمالا، ایران، نیپال، سومالیا، اسپانیا، سریلانکا، ترکیه و وینزویلا مملکتلریدن جسور عیاللر خلقارا ساورینی نی قولگه کیلتیریشلری ممکن.
آمریکا تشقی ایشلر وزیرلیگی نینگ ایتیشیچه، کرونا ویروسی باعث بو ساورین نی ترقهتیش مراسم آنلاین شکلده یولگه قوییلیشی ممکن.