کمیده اوچ آی آلدین قطر پایتختی دوحه‌ده افغانستان و طالبان گروهی آره‌سیده تینچلیک سوزلشوولری نینگ ایکینچی دوری قیته باشلندی، بیراق بو پیتده مذکور سوزلشوولر ییترلیچه ایجابی نتیجه بیرمه‌گن.
سوزلشوولر جریانیده باشقه هر زمان گه قره‌گنده زوروانلیکلر میزانی یوقاری کیتگن. شونده‌ی بیرحالده، ریجه‌لنگن ترورلر و یاپیشقاق ماین پارتله‌شی هر کون افغانستان اهالیسیدن قربانی آلماقده.
بو وضعیت دوامیده ینگی‌لیکده، افغانستان مذاکره قیلووچی هیأت اعضالریدن قطاری مملکت گه قیتگن. تینچلیک سوزلشوولری نینگ نتیجه‌سی و اهالی نینگ کیله‌جگی قنده‌ی بولیشی خصوصیده خلق‌ارا علاقه‌لر ایش بیلرمان‌لری نینگ ایتیش‌لریچه، افغانستان تینچلیک پروسه‌سی خصوصیده آمریکا ینگی دولتی نینگ موقف و پالیسی بیللی بولگونگه قدر طالبان هیأتی سوزلشوولرگه شرکت قیلمه‌یدی.
خلق‌ارا علاقه‌لر ایش بیلرمانی محب‌الله شریف نینگ ایتیشیچه: «اولر آمریکا پالیسی‌سی بیللی بولگونگه قدر و شونینگدیک طالبان رهبرلیگی بو توغریده قرار آلگونگه قدر مذکور گروه هیأتی، ییغین‌لرگه شرکت قیلمه‌سی ممکن؛ اولرنینگ فکری گه کوره، نابیللی بیر یول تامان کیتماقده.»
بیراق خلق‌ارا علاقه‌لر ایش بیلرمان‌لردن باشقه بیری حمید عزیز نینگ ایتیشیچه، آمریکا ینگی دولتی دنیا بوییچه تشقی سیاستی و عملکردی نی تیکشیرماقده و شو یوزه‌دن تیز عمل قیلمه‌ی و تینچلیک پروسه‌سیدن حمایت قیله‌دی.
طالبان هیأتی سوزلشوولرگه شرکت قیلمه‌گنی، افغانستان هیأتی نینگ هم قیزیقمه‌گنی گه سبب بولگن و شو یوزه‌دن ینگی‌لیکده افغانستان دولت هیأتی نینگ اعضالریدن محمدامین احمدی، رسول طالب، متین بیک و حبیبه سرابی کابل قیتگن.
بیراق ناجیه انوری مذکور هیأت اعضالری نینگ افغانستان گه قیتیشی نی عادی بیر امر دیب ایتیشیچه، قیینچلیک‌لری حل ایتیلگنیدن کیین دوحه گه قیتیش‌لری ممکن.
عین حالده، اوتگن کون ملی مصالحه عالی کینگش باشلیغی عبدالله عبدالله بیر ییغینده ایتیشیچه، حاضر طالبان سوزلشوولر میزی نی ترک قیلگن و یالغیز طالبان نینگ تماس گروهی نی حضوری تینچلیک پروسه‌سیگه یاردم بیره‌دی. جناب عبدالله افغانستان تینچلیک پروسه‌سیدن حمایت قیله‌دیگن مملکت‌لردن طالبان نینگ سوزلشوولر میزی گه حاضر بولیشی اوچون تشویق قیلیشی نی سوره‌گن.
