افغانستان ایرکین میدیالریدن حمایت قیلووچی نهاد یا-ده «نی» نینگ اعلان قیلیشیچه، طالبان گروهی ارزگان ولایتی نینگ دهراوود تومنی‌نی تصرف قیلگنیدن سونگ، «صدای دهراوود» رادیوسی نینگ وسایل‌لرینی‌نی تالان-تاراج قیلیب و بناسی‌نی تخریب قیلگن.
بیزلرنینگ فیسبوک صحیفه‌میزگه باش اورینگ!
بوگون “جمعه” نی دفتری نینگ ارزگان حاکمی سوزلاوچیسی احمدشاه ساحل دن نقل قیلیب بیر اعلامیه آرقه‌لی ایتیشیچه، طالبان گروهی اوشبو رادیو دفتری‌نی تخریب قیلگنیدن سونگ، وسایل‌لرینی اوزلری بیلن هلمند ولایتی‌گه انتقال بیرگن.
نی دفتری تامانیدن نشر ایتیلگن اعلامیه‌گه کوره، طالبان گروهی خبرچی‌لر و میدیالر قوریلمه‌لریگه ایش‌لری بولمه‌گنی‌نی بیلدیرگن ایدی، لیکن کورینیشیچه، اوشبو گروه سوزلریگه قرشی عمل قیلگن و بو گروه اعضالری میدیالر وسایل‌لرینی تخریب و تالان-تاراج قیلگن.
افغانستان ایرکین میدیالریدن حمایت قیلووچی نهاد، اوروش تامان‌لریدن خبرچی‌لر و میدیا قوریلمه‌لریدن حفاظت قیلیش‌نی اولویت‌گه قرار بیریش‌لرینی سوره‌گن. بو نهاد افغانستان دولتی‌دن میدیا قوریلمه‌لریدن حفاظت قیلیش اوچون دقت قیلیشی‌نی سوره‌گن.
نی دفتری نینگ ایتیشیچه، اوشبو تشکیلات خبرچی‌لر و میدیا قوریلمه‌لری وضعیتی‌دن خواطرگه دیر و اوروش تامان‌لریدن خبرچی‌لر و میدیا ایشلاوچی‌لریدن حفاظت قیلیش اوچون ایشانچ بیریش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
ایتیلیشیچه، بوندن آلدین طالبان گروهی هرات ولایتی نینگ شیندند تومنی‌نی تصرف قیلگنیدن سونگ، «طنین» رادیوسی نینگ وسایل‌لرینی تاراج قیلیب و اوشبو میدیا سیسی‌نی دایمی شکلده اوچیرگن.
طالبان گروهی حاضرگه‌قدر بوتوغریده فکر بیلدیرمه‌گن.
