تخار محلی مسوول‌لری نینگ ایتیش‌لریچه، اوشبو ولایتده ایکی ییلدن بویان مخابراتی شرکت‌لرنینگ کیچه‌لیک فعالیت‌لری توخته‌تیلگن. مسوول‌لری نینگ ایتیش‌لریچه، طالبان گروهی مخابراتی شرکت‌لر مسووللرینی آگاه‌لنتیریب و کیچه تاماندن فعالیت قیلمه‌یش‌لرینی سوره‌گن.
بوندن آلدین تخار یشاوچی‌لری مخابراتی فعالیت‌لر توخته‌تیلیشی‌گه قرشی دواملی شکلده اعتراض بیلدیرگن‌لر، لیکن مخابراتی شرکت‌لر و تخار محلی مسوول‌لری بو قیین‌چیلیک‌نی حلق قیلیش‌گه موفق بولمه‌گن.
اوشبو ولایت یشاوچی‌لریدن بیرقطاری نینگ ایتیش‌لریچه، مخابراتی شرکت‌لرنینگ کیچه‌لیک فعالیت‌لری توخته‌تیلمه‌گن صورتده، مذکور شرکت‌لرنینگ پایه‌لری طالبان تاماندن تخریب ایتیله‌دی.
تخار مدنی فعاللری و یشاوچی‌لری نینگ اعتراض‌لری سبب، تالقان شهری و باشقه بیرقطار تومن‌لرده سلام مخابراتی شرکت نینگ فعالیتی دوام قیلماقده ایدی، لیکن بیر هفته دن بویان اوشبو شرکت هم کیچه‌لیک فعالیتی نی توخته‌تیب قویگن.
تخار ولایتی بوییچه مخابرات ریاستی باشلیغی عبدالغفور تلاش نینگ سلام‌وطندارگه ایتیشیچه، طالبان گروهی قندوز ولایتی نینگ علی‌آباد تومنیده سلام مخابراتی شرکت نینگ لین‌لرینی کیسگن و انه‌شو سبب، تخار ده مخابراتی شرکت‌لرنینگ کیچه‌لیک فعالیت‌لری توخته‌تیلگن.
عین‌حالده، طالبان سوزلاوچی‌لریدن بیری ذبیحالله مجاهد نینگ سلام‌وطندارگه ایتیشیچه، سلام مخابراتی ترماغی دولت گه ایشله‌یدی و انه‌شو سبب، فعالیتی اولر تامانیدن توخته‌تیلگن.