طالبان گروهی نینگ بیر اعلامیه آرقه‌لی ایتیشیچه، آمریکا کوچلری نینگ اوشبو گروه جنگری‌لریگه قرشی هوایی هجوم‌لری توخته‌تیلمه‌گن صورتده، جدی جواب قیته‌ریش‌لری ممکن.
طالبان نینگ ایتیشیچه، آمریکا حربی‌لری ننگرهار و هلمند ولایتیده اوشبو گروه جنگری‌لرینی هوایی هجوم آستیگه قرار بیرگن و شونینگدیک، قندهار ولایتیده آمریکا هوایی کوچلری نینگ حمایتی آرقه‌لی طالبان گه قرشی عملیات یولگه قوییلگن.
طالبان نینگ آگاه‌لنتیریشیچه، آمریکا نینگ قندهار ولایتیدهگی هوایی هجومی توخته‌تیلمه‌گن صورتده، اوشبو گروه عکس‌العمل کورسهتیشگه مجبور بوله‌دی و مسوولیتی آمریکا بوینیگه دیر.
طالبان گروهی آمریکا حربی‌لری نینگ اوشبو حرکتی‌نی دوحه‌ده امضالنگن تینچلیک شرطنامه‌گه قرشی عنوان قیلگن، بیراق آمریکا نینگ افغانستانده‌گی کوچلری امضالنگن تینچلیک شرطنامه نینگ آمریکا حربی‌لری تامانیدن نقض قیلینگنی‌نی رد قیله‌دی.
آمریکا نینگ افغانستانده‌گی حربی‌لری سوزلاوچیسی سانی لگت نینگ توییتر صحیفه‌سیده یازیشیچه، اولر طالبان هجومی‌گه قرشی افغانستان حربی کوچلریدن حمایت قیله‌دی. او، اوروش تامان‌لریدن زوروانلیکلرنی کمه‌یتیریشلرینی سوره‌گن.
عین‌حالده، افغانستان سیاسی ایش بیلرمانلریدن بولمیش رحمت‌الله بیژن پور نینگ ایتیشیچه، طالبان نینگ سونگی هشدارلر و اقداملری تینچلیک سوزلشوولرنینگ ایکینچی دوری اوچون دیر، چونکه اوشبو دور سوزلشوولرده قدرت تقسیم قیلینیشی، سیاسی موضوع‌لر و نظام ساختاری خصوصیده بحث قیلینه‌دی.
جناب بیژن پور نینگ ایتیشیچه، طالبان گروهی بونده‌ی آگاه‌لنتیریش و سعی و حرکت بیلن بیر تاماندن اوزلرینی مطرح قیلیش و باشقه تاماندن ایسه جنگری‌لریگه روحیه بیریش‌نی ایسته‌یدی.
