جمهورلیک ریاستی نینگ ایکینچی اورین باسری، طالبان گروهی قانونگه قرشی حرکتلر بیلن افغانستانلیکلر آرا سوزلشوولرگه قرشی قیینچیلیک یرهتهدی دیگن.
بوگون “شنبه” جمهورلیک ریاستی نینگ ایکینچی اورین باسری سرور دانش نی خبری بیر ییغین اوتکزیب ایتیشیچه، سوزلشوولرگه قرشی قیینچلیکلرنی حل قیلیش اوچون افغانستان حکومتی قرآن و سنتنی پیشنهاد قیلگن، بیراق طالبان گروهی قرآن و سنتنی جنجللرنی حل قیلیش اوچون اساس صفتیده قبول قیلمهگن.
جناب دانش نینگ کوپهیتیریشیچه، طالبان گروهیگه قرهگنده، افغانستان حکومتی شریعتدارلیک و دین دارلیککه صادق دیر.
جمهورلیک ریاستی نینگ ایکینچی اورین باسریگه کوره، طالبان نینگ جهاد منطقی اداغگه ایریشگن و ایسکی زمانلرده هم جهاد واقعیتسیز بولگن، جهاد موضوعی اولکه ده زوروانلیککه دوام بیریش اوچون بیر بهانه دیر.
بیر کون آلدین افغانستان حکومتی تامانیدن تعیینلنگن هیات باشلیغی معصوم استانکزی، توییتر صفحهسی آرقهلی بیر گزارش ترقهتیب، افغانستانلیکلر ارا سوزلشوولر قرآن و سنت روشی اساسیگه مطلوب نتیجه بیریشدن امیداورلیک بیلدیرگن ایدی.
جناب ستانکزیگه کوره، افغانستانلیکلر تینچلیکنی برقرار قیلیش ارادهسیگه هیچکیم توسیق بوله آلمهیدی.
عینحالده، طالبان گروهی سابق اعضاسی سید اکبر آغا نینگ سلاموطندارگه ایتیشیچه، طالبان گروهی مذاکرهنی دوام بیریش اوچون قرآن و سنتنی قبول قیلمهی، مذاکره دوام ایتیشی اوچون امریکا بیلن امضالنگن کیلیشونامهنی مبنا قرار بیرگن.