لوگر یشاوچیلریدن قطاری نینگ ایتیش‌لریچه، اوشبو ولایت نینگ تومن‌لری و اوزاق منطقه‌لریدن قطاری‌ده برق یوقلیگی سبب، کوپینچه قیین‌چیلیک بیلن روپه‌ره‌لر و اولر حکومت‌دن مذکور قیین‌چیلیک نینگ حل قیلینیشی نی ایسته‌گنلر.
لوگر مرکزی پل‌علم شهری یشاوچیسی نعمت‌الله نینگ سلام‌وطندار گه ایتیشیچه، اوزبیکستان نینگ وارداتی برقی، یالغیز اوشبو شهر نینگ یقین منطقه‌لری گه ترقه‌تیله‌دی و باشقه تومن‌لر ایسه حاضرگچه برقدن فایده‌لنه آلمه‌گن. اونینگ کوپه‌یتیریشیچه: «اهالی کوپینچه قیین‌چیلیک بیلن روپه‌ره دیر. ازره، خوشی و خروار کبی اوزاق منطقه‌لر گه وارداتی برق ییتکزیلگنی صورت‌ده، مذکور منطقه‌لر نینگ پیشرفت قیلیشی ممکن.»
بیزلرنینگ فیسبوک صحیفه‌میزگه باش اورینگ!
محمد‌آغه تومنی یشاوچیسی عبدالرئوف نینگ ایتیشیچه، لوگر گه وارداتی برق ییتیشگنی‌دن بیش ییل بوله‌دی و حکومت اولر نینگ شخصی ییرلری گه برق پایه‌لری نی قوریب و زیان کورگن؛ بیراق حاضرگچه اولر برقدن فایده‌لنه آلمه‌گنلر. اونینگ کوپه‌یتیرشیچه: «یشاوچیلر برق پایه‌لری نینگ قوریلیشی اوچون شخصی ییرلری نی بیرلگنلر و لین تارتیش بولیمی‌ده هم همکارلیک قیلگنلر. حکومت تامانیدن اوشبو تومن گه برق بیریلیشی خصوصیده امید‌وارمیز.»
شونده‌ی بیرحالده، لوگر حاکمی سوزلاوچیسی عمر منصور نینگ ایتیشیچه، اسلام امیر‌لیگی تومن‌لر و اوزاق منطقه‌لر گه برق ییتکزیلیشی خصوصیده متعهد دیر و بو توغریده برق و سوو وزیرلیگی گه هم بیرقطار بویروغ‌لر نی ارایه قیلگن دیر. اونینگ کوپه‌یتیریشیچه، حاضر ایسه لوگر ده برق سیستمی، اوتمیش ۲۰ ییل گه نسبتاً منظم بولگن و مذکور ولایت برق اداره‌سی نینگ همکارلیگی و بودجه کم‌لیگی قیین‌چیلیگی نینگ حل بولیشی بیلن لوگر نینگ تومن‌لری گه لین تارتیلیشی و وارداتی برق ترقه‌تیلیشی نینگ باشلنیشی خصوصیده سعی و حرکت قیله‌دی.
بیزلرنینگ توییترده هم تعقیب قیلینگ!
لوگر حاکمی سوزلاوچیسی نینگ اورغولشیچه: «متعهد‌میز و برق اداره‌سی نینگ همکارلیگی بیلن اهالی گه برق ییتکزیش خصوصیده جدی شکلده ایشله‌یمیز؛ بیراق بودجه خصوصیده قیین‌چیلیگی‌میز بار، اوشبو قیین‌چیلیک نینگ حل بولگنی صورت‌ده، تیزلیککه اهالی قیین‌چیلیگی نینگ حل قیله‌میز.»
ایتیش کیره‌ک که، اوزبیکستان وارداتی برقی، لوگر نینگ پل‌علم شهری‌ده یالغیز ۱۰ مینگ عایله گه ترقه‌تیلگن.
