افغانستان نماینده‌لر کینگش باشلیغی و مذکور کینگش اعضالریدن قطاری، قیصر اسد ییتکچیلیگیده پاکستان مملکتی نینگ پارلمانی هیأتی نی خوش قرشی‌لش اوچون کابل هوا قونالغه‌سیده بارگن ایکنلر، بیراق مذکور هیأت کابل هواقونالغه‌سی نینگ امنیتی قیینچیلیگی باعث قیته پاکستان کیتگن.
نماینده‌لر کینگشی نینگ کاتب‌خانه باشلیغی عبدالقادر زاری نینگ سلام‌وطندارگه ایتیشیچه، مذکور هیأت قیته‌دن اسلام‌آباد کیتگن.
اونینگ ایتیشیچه، نماینده‌لر کینگش باشلیغی میررحمان رحمانی تلفن آرقه‌لی قرشی تامان بیلن صحبت اوتکزیب ایتیشیچه، مذکور هیأت تیزلیککه کابل سفر قیلیشی ممکن. جناب زازی گه کوره، مدافعه وزیرلیگیدن بیر تیم هلیکوپتر قونیشی اوچون هوا قونالغه اطرافی نی قازگن ایکن کیم او ییرده بیر آز پارتلش ماده قالگن ایکن. چیت‌ایللیک کوچلر بو موضوع دن خبر بولگن بیرحالده، اهالی نینگ خوفسیزلیگی اوچون بو پارتلش ماده نی پارتلتگن و شو یوزه‌دن پاکستان هیأتی مینیلگن اوچاق پاکستان قیتگن.
ایتیش کیره‌ک کیم نیچه پیت آلدین پاکستان نینگ چقیرووی اساسیده، نماینده‌لر کینگش باشلیغی میررحمان رحمانی ییتکچیلیگده افغانستان کینگشی دن بیر هیأت مذکور مملکت بارگن ایدی و شونینگدیک اوشبو اوچره‌شووده ایکی تامان تینچلیک موضوعی شامل باشقه قطار موضوعلر اوستیگه سوزلشگن ایدی.
