بامیان ولایتی ورس تومن امنیتی مسئوللری نینگ ایتیش‌لریچه، اوتگن شنبه کونی توشدن کیین، مذکور تومن نینگ «تخت» منطقه‌سیده جایلشگن «چهار ناور» قیشلاغیده ۱۸ یاشر بیر قیز، سِرلی شکلده جان بیرگن.
ورس تومنی امنیه قومندانی محمدسلیم مجاهد نینگ سلا‌م‌وطندارگه ایتیشیچه، مذکور واقعه سِرلی شکلده یوزبیریب و حاضرگچه اونینگ علتی بیللی بولمه‌گن.
بیزلرنینگ فیسبوک صحیفه‌میزگه باش اورینگ!
بیراق اونگه کوره، اوتگن کون امنیه قومندانلیگی نماینده‌لری و مذکور تومن دادستانی واقعه محلی گه کیتگن ایکنلر و شونینگدیک اوشبو واقعه نینگ قنده‌یلیگی خصوصیده تیکشیریشلر باشلنگن. اونینگ کوپه‌یتیریشیچه: «کوپینچه تیکشیریش اوچون اوشبو قیزنینگ جسدی سود طبیاتی گه یوباریلگن.»
باشقه بیر تاماندن، ورس تومن یشاوچیلریدن بیری کیم‌لیگی سیر قالیشی نی ایسته‌ب ایتیشیچه، مذکور قیز نینگ نکاح قیلگنیدن بیر ییل اوتیب و شونینگدیک بیر باله‌سی هم بار ایدی. اونگه کوره، اوشبو قیز ایناغه‌سی نینگ تورموش اورتاغی(خاتینی) بیلن «الیش» بولگن ایکن و او تورموش اورتاغی (ایری) بیلن رابطه‌سی یخشی ایمس ایدی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اوتگن کون بو قیز اوزی نی دار گه آسیب و جان بیرگن.» اونگه کوره، ۶ آیدن بیری عیاللر گه قرشی زوروانلیکلر کوپه‌یگن و عیاللر گه قرشی بولگن زوروانلیک دوسیه‌لر نی قانونی شکلده تیکشیریش اوچون هیچ بیر اداره یوق.
