کابل ده اروپا بیرلشمه نماینده‌لیگی سرپرستی آرنوت پاولز، بوگون (سه‌شنبه، ۱-سنبله) توییتر صحیفه‌سیده ماموریتی نینگ یکونلنگنیدن خبر بیریب و ایتگن که، افغانستان نی ترک قیله‌دی.
کورینیشیچه، جناب پاولز ماموریتی نینگ یکونلنگنیدن راضی ایمس. او توییتر صحیفه‌سیده یازگن که: «افغانستان‌دن دیپلمات نی چیقره آله‌سیزلر، لیکن افغانستان نی دیپلمات‌دن چیقره آلمه‌یسیزلر.»
بیزلرنینگ توییترده هم تعقیب قیلینگ!
آرنوت پاولز ایتیشیچه، اونینگ اورنیده رافالا یدیس کیلیشی ممکن. ینگی‌لیکده پاولز تلویزیونی بیر صحبتیده افغانستان ده قیزلر مکتب‌لری نینگ آچیلیشی نی ایسته‌ب و ایتگن ایدی که، بو ایش افغانستان ده اروپا بیرلشمه‌سی نینگ اینگ اونملی اولویتی دیر.
کابل ده اروپا بیرلشمه نماینده‌لیگی سرپرستی گه کوره، افغانستان ده عیال‌لر گه ایش و همه‌شمول دولت ایجاد بولیشی هم اروپا بیرلشمه‌سی نینگ باشقه اولویت‌لریدن دیر.
بیزلرنینگ فیسبوک صحیفه‌میزگه باش اورینگ!
اونینگ اورغولشیچه، همه‌شمول حکومت ایجاد قیلیش و عیال‌لر گه تعلیم و ایش اوچون رخصت بیریش خصوصیده دنیا جماعه نینگ ایسته‌کلری، افغانستان ایچکی مسئله‌لری گه دخالت قیلیش معناسیده ایمس.
