ساغلیق‌نی سقلش وزیرلیگی تامانیدن بیریلگن آمارلرگه کوره، سونگی هفته‌لرده مملکتده کرونا ویروسی‌گه چلینگنلر و قربان بولگن‌لرنینگ سانی کوپه‌یب بارماقده.
ساغلیق‌نی سقلش وزیرلیگی سوزلاوچیسی نینگ اورین باسری میرویس علی‌زی نینگ سلام‌وطندارگه ایتیشیچه، اوتگن هفته گه قره‌گنده جاری هفتهده کرونا ویروسی‌گه چلینگنلرنینگ سانی ۵۰ دن باشلب ۶۰% کوپه‌یگن.
جناب علی‌زی‌گه کوره، جاری هفتهده کونده ۲۵۰ دن باشلب ۳۸۰ کیشی کرونا ویروسی‌گه چلینگن و اوتگن هفته ده کرونا ویروسی‌دن کونده ۱۲۰ دن باشلب ۱۸۰ ینگی ایجابی واقعه قید ایتیله‌ریدی.
ساغلیق‌نی سقلش وزیرلیگی سوزلاوچیسی نینگ اورین باسری‌گه کوره، سونگی هفته‌لرده کرونا ویروسی‌دن ینگی ایجابی واقعه‌لر کوپراغی چیگره‌لرده قرار تاپگن ولایت‌لر و کابلده قید ایتیلگن.
ساغلیق‌نی سقلش وزیرلیگی تاماندن بیریلگن آمارلرگه کوره، کرونا ویروسی‌گه چلینگن‌لردن کونده ۶ دن باشلب ۱۰ ته‌سی دنیا دن اوته‌دی.
عین‌حالده، مملکت یشاوچی‌لریدن بیرقطاری سونگی هفته‌لرده کرونا ویروسی‌گه چلینگنلرنینگ سانی کوپه‌یگنیدن خواطر بیلدیریب ایتیش‌لریچه، رمضان هییتی عرفه‌سیده کرونا ویروسی خصوصیده معلومات بیریش اوچون حکومت اینقسه ساغلیق‌نی سقلش وزیرلیگی نینگ سعی و حرکت قیلیشی کیره‌ک.
ساغلیق‌نی سقلش وزیرلیگی تامانیدن بیریلگن آمارلرگه کوره، اوتگن ۲۴ ساعت جریانیده کرونا ویروسی‌گه شبهه‌لی ۲ مینگ و ۱۸۱ کیشی دن آلینگن نمونه‌لر سیناودن اوتکزیلگن و بو جمله‌دن ۲۹۳ ته‌سی نینگ نتیجه‌سی ایجابی تانیلگن و مذکور مدتده بو ویروس‌گه چلینگن‌لردن ۹ ته‌سی دنیا دن اوتگن.
