ملی مقاومت جبهه‌سی سوزلاوچیسی و افغانستان خبرچی‌لر بیرلشمه‌سی نینگ باشلیغی فهیم دشتی اوتگن کیچه پنجشیر ولایتیده طالبان هجومی نتیجه‌سیده هلاک ایتیلدی. جناب دشتی نینگ اولیمی خبرچی‌لر، میدیا فعال‌لری و سیاستچی‌لرنینگ جدی واکنش‌لری بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
ملی مقاومت جبهه‌سی رهبری احمد مسعود نینگ ایتیشیچه، فهیم دشتی ایرکین‌لیک قولگه کیلتیریش اوچون مبارزه جریانیده هلاک ایتیلگن.
خبرچی‌لر خوفسیزلیگی‌نی سقلش کمیته مسوولی صدیق‌الله توحیدی، فهیم دشتی نینگ هلاک ایتیلگنی خصوصیده قیغوداشلیک بیلدیرگن.
ملی مقاومت جبهه‌سی سوزلاوچی‌لریدن بیری میثم علی نینگ فیسبوک صحیفه‌سیده یازیشیچه، فهیم دشتی و عبدالودود ذره طالبان جنگریلری بیلن صورت تاپگن آتیشمه نتیجه‌سیده هلاک ایتیلگنلر.
احمد مسعود رهبرلیگی‌گه بولگن ملی مقاومت جبهه‌سی فهیم دشتی نینگ قنده‌ی شکلده اولدیریلگنی خصوصیده معلومات بیرمه‌گن، لیکن طالبان گروهی نینگ ایتیشیچه، جناب دشتی طالبان تامانیدن اولدیریلگن ایمس.
طالبان سوزلاوچیسی ذبیح‌الله مجاهد نینگ کابلده اوتکزیلگن خبری ییغینده ایتیشیچه، فهیم دشتی مقاومت جبهه‌سیگه تیگیشلی کیشی‌لر آره‌سیده یوز بیرگن جنجل‌لر نتیجه‌سیده هلاک ایتیلگن.
بیزلرنینگ توییترده هم تعقیب قیلینگ!
ملی مقاومت جبهه‌سی سوزلاوچیسی فهیم دشتی نینگ هلاک ایتیلگنی اجتماعی ترماقلر فعال‌لری نینگ جدی واکنش‌لری بیلن روپه‌ره بولگن. اولر جناب دشتی نی وطن‌سیور و مقاومتچی بیر کیشی عنوان قیلگن‌لر.
