پکتیا‌ده ۲۰۳ منصوری قول‌اردودن آغیر و یینگیل اوروش قورال-یراغ‌لری بیلن جهازلنگن اسلامی امارت کوچلریدن ۱۵۰۰ کیشی، قیین یوللرنی اوتکزیب و مملکت مرکزی بامیان ولایتیده جابجا بولگنلر.
اسلامی امارت ملی مدافعه وزیرلیگی سوزلاوچیسی عنایت‌الله خوارزمی، بامیان‌ده قورالی کوچلردن قطاری نینگ جابجا بولگنی نی تصدیق‌لب سلام‌وطندار گه ایتیشیچه، مذکور کوچلر اوشبو ولایت‌ده امنیت نی تامینلش اوچون جابجا بولگنلر. اونینگ کوپه‌یتیریشیچه: «بوندن آلدین بامیان‌ده ییترلی کوچ یوق ایدی، کوچلر نینگ هر ییرده موجود بولیشی بیر نیاز دیر.»
ملی مدافعه وزیرلیگی سوزلاوچیسی گه کوره، بامیان‌ده اسلامی امارت گه قرشی حربی تحرک یوق. بیراق رسانه‌لردن قطاری نینگ گزارشلری اساسیده، بامیان‌ده اوتگن کونی اسلامی امارت کوچلری نینگ ۱۵۰۰ کیشی‌لیک کاروانی نینگ قومندانی ملامحمد شیرین بیر ییغین‌ده ایتیشیچه: «بو ییر (بامیان)ده بیگانه‌لر نینگ حضوری بار که امنیت نی توخته‌تیب و بیزلرگه تورلی قیین‌چیلیکلر نینگ چیقاریش نی ایسته‌یدیلر.»
جناب شیرین گه کوره، بامیان‌ده شونینگدیک قوشنی مملکتلر هم مداخله قیله‌دیلر. لیکن اونینگ مقصدی قوشنی‌لردن، قیسی بیری بولگنی نی بیللی قیلمه‌گن.
۲۰۳ منصوری قول‌اردو نینگ ۵_لوا اپراسیون و پلان رئیسی غلام‌محمد بختیاری، شونینگدیک اوشبو ییغین‌ده ایتیشیچه: «ایکینچی مقاومت‌دن سوز یوریتیله‌دی، بامیان اهالی‌سی بامیان امنیتی نینگ بوزیلمه‌یشی اوچون همکار بولیشلری کیره‌ک.»
شونده‌ی بیرحالده، بامیان ولایتیده نفوذچیلردن قطاری نینگ ایتیشیچه، اولر گه اوشبو ولایت‌ده اسلامی امارت قوراللی کوچلری نینگ کیلیشلری مقصدی، بیللی ایمس. بیراق اولرگه کوره، مذکور کوچلر قومندانلری نینگ صحبتلریدن اسلامی امارت بامیان‌ده مخالفلر نینگ هر قنده‌ی اقدام و حربی تحرکی نی سرکوب قیلیشی ممکن بولگنی نی برداشت قیلگنلر.
بامیان متنفذلریدن بیری محمدسجاد محسنی نینگ سلام‌وطندار گه ایتیشیچه: «اسلامی امارت نینگ ۱۵۰۰ کوچی بامیان گه کیلگن، اوشبو کوچلرنینگ قوندانلری صحبتلریده بامیان گه آسایشته‌لیک و امنیت نی تامینلش اوچون کیلگنلری نی ایتگن؛ بیراق بو کوچلر نینگ نیمه فکری بارلیگی بیللی ایمس.»
شونده‌ی بیرحالده، منبع‌لردن بیری نینگ سلام‌وطندار گه ایتیشیچه، اسلامی امارت نینگ تازه‌نفس کوچلری انسان حقوقی نینگ مستقل کمیسیون بناسی، خاص قطعه قرارگاهی و «شهید مزاری» قونالغه‌سیده جابجا بولگنلر.
منبع گه کوره، ایکی کون آلدین بغلان ولایتی نینگ تاله‌وبرفک تومنیده اسلامی امارت کوچلری آره‌سیده یوزبیرگت آتیشمه نتیجه‌سیده، اسلامی امارت کوچلریدن کمیده ۷ کوچی هلاک و یره‌لنگن. منبع نینگ کوپه‌یتیریشیچه، بامیان امنیه قومندانی صدیق‌الله شاهین مسافر آتیشمه تامانلر آره‌سیده مصالحه قیلیش اوچون تاله‌برفک تومنی گه سفر قیلگن.
