ایران هیئتی امریکا بیلن اوت آچیشنی توختهتیش بوییچه مذاکرهلر اوچون پاکستان پایتختی اسلامآباد گه ییتیب بارگن.
ایران ایسنا آژانسی، بوگون (۲۲ حمل/۱۱ اپریل، شنبه) ترقهتگن خبریده، بو مملکت هیئتی اسلامآباد گه ییتیب بارگنینی بیلدیرگن.
معلوم قیلینیشیچه، ایران پارلمان باشلیغی محمدباقر قالیباف و بو مملکت تشقی ایشلر وزیری سیدعباس عراقچی باشچیلیگیده هیئت اسلامآباد ده مذاکره اوتکزهدی.
امریکا تامانیدن مذاکرهلر گه دونالد ترامپ اورین باسری جیدی ونس باشچیلیک قیلهدی. او پاکستان گه جونب کیتیشیدن آلدین بیرگن بیاناتیده، اگر ایران تامانی مذاکرهلر گه صمیمی یاندهشسه، واشنگتن هم آچیق ملاقات گه تیار ایکنینی تأکیدلهگن.
معلوماتلر گه کوره، ایکی مملکت هیئتلری بوگون عصردن کیین پاکستان میزبانلیگی بیلن اسلامآباد ده مذاکرهنی باشلهیدی.
