۱۴۰۰- مالی ییل بودجه‌سی نماینده‌لر کینگشی تامانیدن کوپینجه ایجابی آواز بیلن تصدیق‌لندی.
نماینده‌لر کینگشی نینگ مالی و بودجه کمیسیونی اعضالری نینگ ایتیش‌لریچه، ۱۴۰۰- مالی ییل بودجه‌سی نینگ ۳- ریجه‌سیده نماینده‌لر کینگشی اعضالری نینگ پیشنهادلریدن کوپ قطاری نظرگه آلینگن.
نماینده‌لر کینگشی نینگ مالی و بودجه کمیسیونی باشلیغی میرافغان صافی نینگ ایتیشیچه، اوقیتووچی‌لر، رتبه‌سی قویی بولگن ایشلاوچیلر و اجیرلر حقوق‌لرینی کوپه‌یتیریلیشی اوچون ییلده ۱۰ میلیارد و ۵۷۰ میلیون افغانی اجره‌تیلگن.
نماینده‌لر کینگشی باشلیغی میررحمان رحمانی نینگ ایتیشیچه، کیله‌سی ییل حمل آیدن باشلب اوقیتووچی‌لر و رتبه‌سی قویی بولگن ایشلاوچی‌لری نینگ حقوق‌لری ۲ مینگ افغانی کوپه‌یتیریله‌دی.
بودجه سندی نماینده‌لر کینگشی تامانیدن تصدیق‌لنگنیدن سونگ، مملکت جمهور رئیسی محمداشرف غنی نماینده‌لر کینگشی نینگ اوشبو قراریدن منت‌دارلیک بیلدیریب و دولت نینگ اساسی برنامه‌لری اینقسه کینگی‌تیریش پروژه‌لرنینگ زمانیده عملگه آشیریلیشی اوچون اونملی عنوان قیلگن.
ایتیلیشیچه، بوندن آلدین ۱۴۰۰- مالی ییل بودجه‌سی عادلانه بولمه‌گنی سبب، ایکی مرته نماینده‌لر کینگشی تامانیدن رد قیلینگن ایدی.
۱۴۰۰- مالی ییل بودجه‌سی ۴۷۳ میلیارد و ۴۱ میلیون افغانی بولیب و بو جمله‌دن ۳۱۱ میلیارد و ۵۰۶ میلیونی عادی بودجه و ۱۶۱ میلیارد و ۵۳۵ میلیونی ایسه کینگی‌تیریش بودجه دیر.
