جمهورلیک ریاستی ایکینچی اورین باسری محمدسرور دانش، ملی مصالحه کینگشی نینگ «تینچلیک کیلیشوونامه» نامی‌ده بولگن تینچلیک ریجه‌سی نینگ لایحه‌سیدن نقد قیلیب ایتیشیچه، اوشبو ریجه جمهوریت جبهه‌سینی کوچلی قیلیشی اورنیده بو جبهه ده تارتیشوولرنی کوپه‌یتیره‌دی و انه‌شو سبب، استانبول یغینی یا-ده باشقه هیچ‌بیر ییغینده ارایه ایتیلیشی ممکن ایمس.
جناب دانش گه کوره، مذکور ریجه ده جمهور رییس و افغانستان حکومتی نینگ ریجه‌سیگه قرشی اهانت‌لی شکلده برخورد قیلینگن.
جمهورلیک ریاستی ایکینچی اورین باسری نینگ ایتیشیچه، اوشبو لایحه‌ده جمهور رییس و افغانستان حکومتی ریجه‌سی خصوصیده آچیقلمه بیریلمه‌گن و یالغیز اوندن کیچیک بیر فهرست ارایه قیلینگن.
اونینگ کوپه‌یتیریشیچه، مذکور لایحه‌ده ملی مصالحه کینگشی نینگ فنی گروهی “ب” گزینه عنوانیده تانیلگن «انتقالی دولت» ریجه‌سی خصوصیده تفصیلات بیریب و کوچلی قیلگن. اونینگ ایتیشیچه، حکومت ریجه‌سی مبهم جلو بیریلیب و چیت گه قالگن.
جناب دانش نینگ ایتیشیچه، «تینچلیک کیلیشوونامه» ریجه‌سیده کم‌چیلیکلر کوپ دیر و بوتون ایش بیلرمانلر و افغانستان اهالی‌سی نینگ فکرلری و نقدلری ارایه ایتیلیشی کیره‌ک و جامع ریجه تیارلش اوچون کوپراق دقت قیلیش لازم.
محمدسرور دانش نینگ ایتیشیچه، ملی مصالحه کینگشی نینگ تینچلیک لایحه‌سی نینگ ریجه‌سیده بیر حزب نینگ فکری برجسته قیلینگن. اونینگ ایتیشیچه، پارلمانی یا-ده صدارتی نظام یالغیز بیر حزب نینگ فکری دیر و بوتون فکرلر عنوانیده و قوم‌لر و حزب‌لر فکری صفتیده قلمداد ایتیلمه‌یشی کیره‌ک.
اونینگ کوپه‌یتیریشیچه، پارلمانی کامل نظام نینگ عمل‌گه آشیریلیش زمینه‌سی هرتامانلمه حزبی نظام گه زمینه مساعد بولمه‌گنی سبب، فراهم ایمس، چونکه اوتمیش‌لرده هم افغانستان سیاسی تاریخی ده پارلمانی نظام موفق بولمه‌گن.
جناب دانش نینگ نقد قیلیشی‌گه کوره، اوشبو ریجه ده قدرت ایکی قوم آره‌سیده تقسیم ایتیلگن و بیر قوم نی جمهورلیک ریاستی باشقه بیر قوم نی ایسه باش وزیرلیک‌که مستحق کورگن و باشقه قوم‌لرنی ایسه ۳- اورین و ۴ اورین گه قرار بیرگن. اونینگ ایتیشیچه، افغانستان جمعیتی دن بیللی بیر ارقام یوق و حاضرده معلوم ایمس کیم بیرینچی و ایکینچی قوم کیم‌لر دیر.
جمهورلیک ریاستی ایکینچی اورین باسری نینگ کوپه‌یتیریشیچه، مذکور ریجه ده قوم‌لر آره‌سیده عادلانه مشارکت نظر گه آلینمه‌گن و قومی و سیاسی جنجل‌لرنی کوپه‌یشی‌گه سبب بوله‌دی.
مذکور نقد اداغی ده جمهورلیک ریاستی ایکینچی اورین باسری نینگ ایتیشیچه، تینچلیک ریجه دن مقصد اوروش یکونلنتیریلیشی و قوم‌لرنینگ عادلانه مشارکتی بولگن حالده، ریاستی نظام بیر جمهور ریس و بیر عیال شامل ۴ اورین باسر بیلن فایده‌لی دیر.
اونینگ تاکید قیلیشیچه: «هردایم و هر ریجه‌ده اوزیمیزگه جایگاه تعریف قیلمه‌یشی‌میز کیره‌ک. عمومی منفعت و بوتون جریان‌لر فکری ده حرمت قیلیشی‌یمز کیره‌ک و هیچ‌کیم نینگ اوز فکری نی باشقه‌لرگه تحمیل قیلیش اوچون سعی و حرکت قیلمه‌یشی لازم.»
ایکی کون آلدین ملی مصالحه کینگشی، تهیه و توحید کمیته‌سی نینگ لایحه خصوصیده بولگن ایشی یکونله‌نیب و مذکور ریجه نهایی بولیب و اوشبو کینگش رهبرلیگی‌گه تاپشیریلگنیدن خبر بیرگن ایدی.
ملی مصالحه کینگشی سوزلاوچیسی فریدون خوزون نینگ ایتیشیچه، مذکور لایحه کیله‌سی کون‌لرده ملی مصالحه کینگشی نینگ رهبرلیک کمیته‌سیگه ارایه ایتیله‌دی و تصدیق‌لنگنیدن سونگ، افغانستان اسلامی جمهوریت نینگ واحد ریجه‌سی صفتیده ترکیه ییغینیده ارایه ایتیلیشی ممکن.