سونگی کون‌لرده طالبان گروهی نینگ ولایت‌لر مرکزیده‌گی هجوم‌لری شدت‌لنگن. سونگی بیر هفته جریانیده هرات، هلمند، قندهار، تخار و پروان ولایت‌لریده طالبان گروهی بیرقطار یوتوق‌لرگه قول تاپگن.
حربی ایش بیلرمان‌لرنینگ ایتیش‌لریچه، حکومت نینگ مدیریت‌سیزلیگی و برنامه‌سیزلیگی سبب، طالبان گروهی بیرقطار منطقه‌لرنی تصرف قیلگن. اولرنینگ ایتیش‌لریچه، حکومت موجود بولگن فرصت‌لر و ظرفیت‌لردن یخشی شکلده فایده‌لنه آلمه‌یدی.
بیزلرنینگ فیسبوک صحیفه‌میزگه باش اورینگ!
حربی ایش بیلرمانلردن بیری باقر محسنی نینگ ایتیشیچه، طالبان گروهی حکومت نینگ ضعفی‌دن فایده‌لنیب و یوقاری روحیه بیلن حربی فشار دن ایش آله‌دی، لیکن اولرگه اوروش و تصرف قیلگن منطقه‌لریدن حفاظت قیلیش کوچی یوق دیر.
شونینگدیک، سیاسی ایش بیلرمانلردن بیری علی امیری نینگ ایتیشیچه، حکومت نینگ مقطعی و موثر بولمه‌گن برنامه‌لری موجود ظرفیت‌لرنینگ نابود ایتیلیشی‌گه سبب بوله‌دی. اونینگ ایتیشیچه، حکومت نیاز بولمه‌گن استخدام‌لر اورنیده اصلاحات کیلتیریش اوچون سعی و حرکت قیلگن صورتده، تینچلیک اوچون زمینه یره‌تیلیشی ممکن.
بیراق، طالبان سوزلاوچیسی ذبیح‌الله مجاهد نینگ ایتیشیچه، امنیتی کوچلر اوشبو گروه نینگ یوتوق‌لریگه سبب بوله‌دی. اونینگ کوپه‌یتیریشیچه، امنیتی کوچلر شهرلرنینگ کمربند‌لریگه طالبان‌گه قرشی عملیات اویوشتیره‌دی، بیراق طالبان نینگ قرشی هجوم‌لری بیلن روپه‌ره بولیب و منطقه‌لر بو گروه نظارتی‌گه اوته‌دی.
بیزلرنینگ فیسبوک صحیفه‌میزگه باش اورینگ!
عین‌حالده، مدافعه وزیرلیگی سوزلاوچیسی روح‌الله احمدزی نینگ طالبان‌گه قرشی امنیتی کوچلر مبارزه‌سی دوام تاپیشی اوستیگه تاکید قیلیب ایتیشیچه، طالبان هجومی‌گه توسیق بولیش اوچون امنیتی کوچلرنینگ عملیات‌لرینی دوامی بار.
چیت‌ایللیک کوچلرنینگ افغانستاندن چیقیشی باشلنگنیدن سونگ، طالبان گروهی هجوم‌لرینی شدت‌لنتیریب و کوپ‌قطار تومن‌لر و سوداگرلیک بندرلرنی تصرف قیلگن.